犀牛犀牛 (沙田廣場) (已結業)

2022年1月1日就由啲間犀牛犀牛展開我今年既中伏之旅。叫左爆谷奶茶，佢係set好晒甜度同冰量，冇得選擇。為咗試下新店，我作為一個平時飲手沖飲品都必定少甜少冷既人都照選擇左啲杯爆谷奶茶。點知佢越過我expectations，以為佢為超甜，點知係一啲味都冇。我只可以講佢係一杯焦糖水。where is the 奶茶？？完全係中伏。朋友叫左杯烏龍奶茶，都係唔ok。個茶底唔靚，又苦又澀。其實佢係咪落左爆谷奶茶啲奶茶去啲杯烏龍奶茶，所以一杯冇味一杯澀都傻。其實佢聖誕前開，嗰陣想order既就咩都冇，搞到我對間店唔多有好感。不過諗住佢新開未上手所以先去試多次，點知換嚟一杯冇味既飲品。老實講，行多幾步去前面既老虎堂買好過。但係我冇試過佢啲蛋餅，不可做評論。但啲杯冇味飲品會令我卻步再去試佢任何熟食。