新泰東南亞餐廳 (已搬遷) 新店位置

食過咁多間泰國菜嘅餐廳，覺得新泰東南亞都係算入邊好食嘅一間！！所以成日都會帶朋友啊、或者屋企人、同事過嚟食野。而且呢度環境唔錯，泰式嘅裝飾會有啲泰國風味。而且服務態度好，加水啊、換碟都好勤力。！麵包焗咖喱軟殼蟹！$188.超級推介！！咖喱嘅品種實在太多啦，雖然都係黃色，不過每間餐廳嘅味道都會有啲唔同，呢度嘅咖喱椰漿味唔會好濃，不過都好味，將軟殼蟹浸系咖喱到，令蟹更加入味！！泰式生蝦！$98.同平時食嘅日本料理入邊嘅蝦肉刺身好唔同。首先喺賣相，將蝦殼整開之後，將蝦肉分成兩邊攤開，再系蝦肉中間放上秘製嘅泰式醬料，蝦肉爽口，新鮮！！！泰式蝦炒金邊粉！$95.呢個金邊粉入邊食材真係超級豐富，有腰果、西柚肉、蝦肉，仲有各式各樣嘅配料，將金邊粉都遮到實曬。口感豐滿。呢個飛天通菜同我地平時食嘅通菜味道都係有啲唔同，佢嘅味道比較重，而且微辣，食起身好開胃。