更多
2020-12-02
1009 瀏覽
2020年被困香港,連去澳門走轉都唔得嘅情況下,只能喺香港食吓其他國家/地方嚟香港開嘅餐廳扮吓去旅行,都算叫做望梅止渴,喺網上搵資料時睇到家樂坊嘅美滋鍋,我就諗起上年我同事食完都介紹過,又遇啱天氣涼涼地最啱打邊爐,咁就訂位同Honey去試吓。一如以往,早食最大好處就係唔使等位,其實一嚟到就即刻變咗少女心,因為門口一隻粉紅色用人造玫瑰花堆砌嘅大啤啤已經好吸睛,再望入個店內,成間店都係以粉紅色做主題,原來美滋鍋2014年在新加坡成立,以粉紅色&養顏湯做主題,絕對係為咗一眾女士而設。而入坐後,職員都好禮貌咁介紹點樣點餐,講解完後我哋就開始揀湯底,當然呢到主打嘅係養顏湯底,咁緊係會揀呢到招牌湯膠原蛋白養顏美容鍋拼長生抗癌松茸野菌,個鍋底上到煲滾後都忍唔住飲咗兩碗膠原蛋白湯,好飲屋企飲緊嘅花膠老火湯嘅感覺。另外配料就點咗精選牛肉拼盤、半份鴨血&黑毛肚、桶蠔、萵筍&蘿蔔各半份。呢到最貼心嘅係好多食材都可以落半份,令到菜式都可以點多幾款。簡直係啱哂我呢D眼濶肚窄嘅人。牛肉拼盤份量都幾多,當中嘅小牛排最令人回味,肉味好香,食完仲feel到個牛味仲喺口腔入面!桶蠔嘅size隻隻都好大隻,都有半隻手掌(唔
一如以往,早食最大好處就係唔使等位,其實一嚟到就即刻變咗少女心,因為門口一隻粉紅色用人造玫瑰花堆砌嘅大啤啤已經好吸睛,再望入個店內,成間店都係以粉紅色做主題,原來美滋鍋2014年在新加坡成立,以粉紅色&養顏湯做主題,絕對係為咗一眾女士而設。
而入坐後,職員都好禮貌咁介紹點樣點餐,講解完後我哋就開始揀湯底,當然呢到主打嘅係養顏湯底,咁緊係會揀呢到招牌湯膠原蛋白養顏美容鍋拼長生抗癌松茸野菌,個鍋底上到煲滾後都忍唔住飲咗兩碗膠原蛋白湯,好飲屋企飲緊嘅花膠老火湯嘅感覺。另外配料就點咗精選牛肉拼盤、半份鴨血&黑毛肚、桶蠔、萵筍&蘿蔔各半份。呢到最貼心嘅係好多食材都可以落半份,令到菜式都可以點多幾款。簡直係啱哂我呢D眼濶肚窄嘅人。
牛肉拼盤份量都幾多,當中嘅小牛排最令人回味,肉味好香,食完仲feel到個牛味仲喺口腔入面!
桶蠔嘅size隻隻都好大隻,都有半隻手掌(唔計手指)咁長,隻隻都好肥美。
而呢到最抵飲嘅自家製飲品,$25就可以無限任飲,一路打邊爐一路飲竹蔗茅根就唔使驚熱氣啦!
埋單$981.2@2位
張貼