影片
更多
2013-09-01
2195 瀏覽
Weekend食個tea buffet真係賞心樂事。銅鑼灣周圍都咁多人，難得可以喺有景、有空間感而又靜嘅地方hea吓，真係成個人refresh哂。Tea buffet 3:15開始，5分鐘前開始入座。原本我哋被安排坐喺廳中間嘅枱，老公見window seat有吉枱，問問waiter可唔可以轉枱，佢話因為有booking，所以要睇吓會唔會有客cancel先可再作安排。諗住佢會冇咗件事，點知15分鐘後另一位侍應問我哋係咪要轉枱，將客人嘅request紀錄在案，態度值得一讚。食物方面，冷盤有壽司同沙律。壽司賣相ok，但餡料其實都係青瓜、蟹柳等。沙律約有4款，其中有一款肉腸螺絲粉沙律入面有勁多肉腸片，份量仲多過平時食pizza嘅辣肉腸喎！另外有啲類似泰式調味嘅牛肉絲沙律咁，味道都唔錯。熱盤選擇唔多。有炒飯、伊麵、腸同炸春卷等。不過伊麵麻麻，太淋喇，其他就ok。亦有即叫即整嘅車仔麵，配料有雲吞、肥牛片等選擇；湯底有清湯同喇沙。我試咗喇沙湯，好稀、都係唔正宗嘅喇沙湯。車仔麵旁有點心、不過質素亦係普通，燒賣係普通街邊食嘅豬肉燒賣咁。另外有啲小食如三文治同酥皮小點，味道唔錯。之後食埋甜品，雖然我本身唔
Tea buffet 3:15開始，5分鐘前開始入座。原本我哋被安排坐喺廳中間嘅枱，老公見window seat有吉枱，問問waiter可唔可以轉枱，佢話因為有booking，所以要睇吓會唔會有客cancel先可再作安排。諗住佢會冇咗件事，點知15分鐘後另一位侍應問我哋係咪要轉枱，將客人嘅request紀錄在案，態度值得一讚。
食物方面，冷盤有壽司同沙律。壽司賣相ok，但餡料其實都係青瓜、蟹柳等。
沙律約有4款，其中有一款肉腸螺絲粉沙律入面有勁多肉腸片，份量仲多過平時食pizza嘅辣肉腸喎！另外有啲類似泰式調味嘅牛肉絲沙律咁，味道都唔錯。熱盤選擇唔多。有炒飯、伊麵、腸同炸春卷等。不過伊麵麻麻，太淋喇，其他就ok。亦有即叫即整嘅車仔麵，配料有雲吞、肥牛片等選擇；湯底有清湯同喇沙。我試咗喇沙湯，好稀、都係唔正宗嘅喇沙湯。車仔麵旁有點心、不過質素亦係普通，燒賣係普通街邊食嘅豬肉燒賣咁。
另外有啲小食如三文治同酥皮小點，味道唔錯。之後食埋甜品，雖然我本身唔多嗜甜品，但覺得甜品比較出色。尤其係窩芙，外脆內軟，加埋雪糕一齊食真係好好食。
我對tea buffet嘅食物要求唔會太高，中規中矩其實已ok。最緊要有舒適嘅環境同體貼嘅服務，已係一個好enjoyable嘅下午。用咗DBS信用咭埋單有discount，每人約$210，算係好合理嘅價錢。
張貼
