第三站

同朋友去咗波鞋街買野，細個記得有一齊食過，見到仲有就決定一齊食。好多三眼仔，有少少密集恐懼😱朋友個set跟咗沙律、甜品+一杯38既野飲。沙律幾新鮮，芝麻醬味都好夠。煙三文魚野菌忌廉闊條麵：個麵條幾彈牙，忌廉汁都好夠，但咸多少少就會更加好，配埋粒粒分明既野菌粒食好配合。因為唔太肚餓，加咗兩個小食。黑松露薯條炸得鬆脆，份量都好大，食薯條都飽。念念不忘既蜜糖雞翼味道依舊，外衣有糖絲既硬度，甜度合格配埋黑椒香草味，同以前食既味道出奇一樣。朋友叫咗杯焦糖朱古力🍫朱古力同焦糖味濃，但唔會太甜，叫店員哥哥加多少少cream出到黎效果好巨cream🤣好邪惡好開心。甜品尚算幼滑，幾濃朱古力味🥹放工仲點咗杯花旗參蜜充充電。記得以前同朋友一齊聚會，睇黎又係時間故地重遊，感受返回憶既味道。