夏捌月 (已結業)

之前係荃灣試過名捌月，今日係元朗經過見到佢嘅另一間分店，所以決定入黎試下😋舖頭裏面依舊有好多Marvel’s 英雄系列嘅畫同埋擺設。餐廳唔係好大間，但係坐落都舒服。Lunch Set 都有好多唔同嘅選擇，好多睇落都唔錯！最後我叫左個「烤大啡菇牛肉芝士漢堡」，朋友就叫左「吉列芝士魚柳漢堡」。餐湯我地都叫左酥皮羅送湯。酥皮焗到好香，湯都好足料，有好多湯嘅配料食。烤大啡菇牛肉芝士漢堡：主菜我就叫左依個漢堡食。大啡菇個味好出，但牛肉就遜色少少。吉列芝士魚柳漢堡：朋友叫嘅漢堡，魚柳炸得唔錯，幾香口。薯角都食落唔太漏。樽仔奶茶&咖啡：嘢飲方面，依隻茶都係餐廳特色，味濃唔太甜，不錯！總括而言，餐廳環境不錯，食物價錢相宜，還可以。