Miracle Cafe (已結業)

難得放假同朋友出街食飯，去左旺角呢間樓上cafe 食野。 呢間cafe 真係旺中帶靜，又近地鐵站唔難搵。 環境好舒適，主要係白色既裝修為主，好清新舒適。 我地總共叫左5 個set lunch，今次影多左相俾大家睇。呢個係沙律前菜，幾清新幾好食！呢個飯朋友都話唔錯。下邊3 個意粉不過不失啦，賣相幾靚既，但無想像中咁好味。有朋友叫左呢個沙律，佢話幾好食，我見佢份量都幾多下。呢個芝士焗薯條好香好好味呀！d 芝士味好香，咬落去又唔會好淋咁！ 幾乎每條著條都點到芝士既，呢樣野好重要，哈哈！呢個雞翼都唔錯，好香蜜糖味！綜合左朋友既意見，大家都覺得d 野飲麻麻地。我就係飲濃朱古力既，但我就覺得佢一d 都唔濃，哈哈！ 由於我對朱古力既要求都幾高，所以覺得佢唔係好好飲。如果想同朋友傾下計聚下舊，呢度係唔錯既選揀黎既，仲有d card games 果d 玩下。