青越 (已結業)

口痕想食個tea，之前都經過過呢間新開嘅越式餐廳，見到裝潢幾靚，所以就決定試下。入面裝修都唔錯，坐咗喺張高檯，一面落地玻璃向街，自然光幾舒服。叫咗個綜合越南麵包&牛油果沙冰：綜合越南麵包：類似豬仔包嘅質感，入面夾咗雞絲、扎肉、蘿蔔絲、生菜、紅菜頭絲？之類的材料，食落幾清新，份量大但又唔會好漏。牛油果沙冰：玻璃樽外型加分，佢地仲有好多款味道，但自己喜歡牛油果味所以揀咗呢杯，開頭好有牛油果味，但後半就唔係好飲得返隻味，可能自己麻痺咗？個人覺得同一地區嚟講，呢度感覺最舒服。不過我坐喺轉角位比較難落單，店員最好多加注意了。