桻之燒 (已結業)

今個週末感覺輕鬆，於是和媽媽出去吃個悠閒的早午餐。呢間小店坐位不多，主打係晚市既燒烤。不過原來佢週末既中午餐質素亦相當唔錯。選擇款式多之餘，價錢亦合理。鰻魚飯原條大鰻魚夠曬足料！鰻魚烤得脆身，咬落彈牙，相當好味。飯既份量不多，但一個人食絕對夠。就是味道過咸，照燒汁比較多。追加左個炒雜菇。牛油味很香濃，炒得亦夠鑊氣，大讚！燒烤拼盤煮得比較耐，食完鰻魚飯同雜菇仲要等左陣先有得食。賣相不錯，排得外形像一塊葉子。雞翼燒得很夠火喉，入面完全熟曬，但外層卻不會燒焦。雞肉還能保持嫩滑呢！五花肉也很香口，不過個人覺得比較肥膩。燒羊架味道一般，感覺肥膏很多，但肉質火喉都控制得幾好，可能我個人口味不喜歡羊吧。呢個紫薯好原汁原味，仲要甜甜地，做甜品一流。