星期六晚同好姊妹👭，揀咗嚟荔枝角嘅悅滿軒撐枱腳，好耐無見梗係要搵間靚靚哋嘅餐廳啦✨。入到去環境幾舒服😌，燈光柔和，唔會太嘈，裝修幾有格調，啱晒我哋傾偈傾到唔捨得走！🥳
我哋今晚叫咗（按出餐順序）：
* 36個月風乾伊比利亞火腿配法國蜜瓜
* 法國泥蟹湯
* 海鮮香蒜辣椒白酒貓耳朵粉
* 香煎半熟吞拿魚腩扒配牛油果，黑魚籽，柚子汁
* 法式海龍皇
首先嚟個36個月風乾伊比利亞火腿配法國蜜瓜，火腿咸香油潤🤤，入口帶甘香，唔會死咸，配埋清甜多汁嘅法國蜜瓜🍈，一啖咸一啖甜，經典組合果然冇得輸！火腿油份恰到好處，口感細膩。💖💖💖💖 之後碗 法國泥蟹湯🦀 真係要大力推薦！個湯好杰身，似Bisque嘅質感，入口勁香濃，啖啖都係蟹嘅鮮甜精華，飲完成個人暖笠笠，鮮味十足，好creamy！🥰
跟住碟 海鮮香蒜辣椒白酒貓耳朵粉🍝，啲貓耳朵粉煮得啱啱好，外軟內韌，夠晒al dente👍。海鮮份量都OK，有蝦有蜆，用香蒜、辣椒同白酒炒過，夠香口惹味，帶少少微辣刺激，整體味道唔錯。輪到香煎半熟吞拿魚腩扒配牛油果，黑魚籽，柚子汁🐟，呢個賣相好靚！吞拿魚腩外層輕輕煎香，內裡仲係粉嫩嘅半熟狀態，口感勁嫩滑😍，魚油香氣十足！配埋滑捋捋嘅牛油果🥑、卜卜脆嘅黑魚籽，再點啲清新嘅柚子汁，成個配搭口感豐富又可以平衡返魚油嘅感覺，唔會膩。
最後嘅 法式海龍皇🦞，真係成餐嘅壓軸戲！一上枱已經聞到好香嘅海鮮味，材料超豐富，有蝦、青口、魚塊等等，浸喺個橙紅色嘅湯底入面。個湯底不得了，係用大量海鮮熬製嘅精華，集合晒所有海鮮嘅鮮甜味，濃郁得嚟又唔會腥，每一啖都係大海嘅味道，超級滿足！
