塩玉居酒屋 (已結業)

銅鑼灣一向多高質日本菜，今晚簡左間居酒屋食。🥢原價海膽丼 $98呢個真係必叫之選，原價$368而家只需以$98便可享用。佈滿大大塊加拿大海膽同多到跌落黎既三文魚籽，海膽新鮮帶鮮甜，真係物超所值。🍣原條海鰻壽司 $38海鰻比一般鰻魚薄身，但魚味一樣鮮甜，配上鰻魚汁邪惡美味。🍣甘蝦刺身 $48個人太喜歡食甜蝦，所以忍唔住又叫了，尚算新鮮。🥢紫蘇牛蒡卷 $38不起眼的牛蒡，營養卻好高，第一次食牛蒡卷 ，帶濃濃酸味，好開胃，不過太酸關係未必人人岩食，但我自己可以接受。🍣火炙左口魚裙邊壽司 $38濃郁甘香，肥美，入口即溶。🍢燒日本雞腎 $25切到方形，初初仲以為食緊燒牛，點知係雞腎！好驚喜，無諗過雞腎可以好味，Juicy味濃，贊。🍢紫蘇葉雞皮蝦卷 $28雞皮燒到脆卜卜，蝦肉結實，加上紫蘇葉香味，入口脆彈，好味。🍢燒牛利 $42牛味濃，咬落好多肉汁，趁熱食超滋味。🍢燒雞翼 $34唔會過咸味道岩岩好，肉仍是嫩。🍢燒牛肋骨 $28比較乾身一點，相對牛利同雞腎較好味。🍚鯛魚茶漬飯 $48將米飯同配料淋上綠茶一齊食用，口感十足，為晚上作完美句號。