影片
更多
2018-02-04
543 瀏覽
雖然燒味飯唔係咁健康，但有時都會想放縱下自己，叫番個叉雞飯加凍華田，男人的浪漫一下。雖然燒味舖開到成街都係，但要搵好食，肥瘦適中，皮脆肉嫩既燒味就唔係咁易喇！呢間開係東大街入口，係正太興對面既燒味舖，就冇令我失望。環境：裝修新淨，應該唔係開左好多年，入內環境光猛，坐位唔算好迫，可以安安落落地食餐飯。服務：小小一間店就有4-5個侍應姐姐，所以落單上餐都好快。衛生：就算室內夠晒光猛都唔覺地方有污穢骯髒，清潔功夫做得唔錯！味道：左揀右揀，三心兩意下揀茶餐，貪佢多野食，樣樣都有d咁。諗住跟茶餐上既燒味份量應該會少d，但圖中可見原來一d都唔少，而且仲係舊舊肥瘦均勻！多士冇烘底，不過正合我個人口味；炒蛋比較實，如果可以再滑d就perfect！抵食：呢個茶餐連熱飲先至40蚊！比起對面太興，淨係嗌個餐蛋麵加熱飲都唔止呢個價啦！而且食物係茶餐廳黎講都幾有水準，40蚊絕對值得！
環境：裝修新淨，應該唔係開左好多年，入內環境光猛，坐位唔算好迫，可以安安落落地食餐飯。
服務：小小一間店就有4-5個侍應姐姐，所以落單上餐都好快。
衛生：就算室內夠晒光猛都唔覺地方有污穢骯髒，清潔功夫做得唔錯！
味道：左揀右揀，三心兩意下揀茶餐，貪佢多野食，樣樣都有d咁。
諗住跟茶餐上既燒味份量應該會少d，但圖中可見原來一d都唔少，而且仲係舊舊肥瘦均勻！
多士冇烘底，不過正合我個人口味；炒蛋比較實，如果可以再滑d就perfect！
抵食：呢個茶餐連熱飲先至40蚊！比起對面太興，淨係嗌個餐蛋麵加熱飲都唔止呢個價啦！而且食物係茶餐廳黎講都幾有水準，40蚊絕對值得！
張貼
