味火鍋 (華僑商業中心)

今次搵到間位於旺角可以無限時任食嘅打邊爐 「味火鍋」，餐廳環境夠大好舒服，抽氣做得好，所以唔會食完成身味！醬料有成14樣可以揀，勁正！野飲方面都好多選擇，最開心嘅係有玻璃樽嘅可樂飲，非常難得🤩🤩每枱會包左4款前菜，包括雞軟骨、中華沙律、拍青瓜同木耳，啲小菜好簡單，但係味道非常好，都有啲獨特嘅口感同風味道。頭盤係四揀一嘅，有龍蝦、威靈頓魚柳、酸菜魚同雞煲揀，我哋揀咗芝士龍蝦半隻同威靈頓魚柳，兩樣菜式都好精緻，龍蝦鮮美多汁，威靈頓魚柳就口感柔軟，好好味。😋😋然後就係火鍋啦，會包左海鮮盤同安格斯牛肉盤，2盤食材好新鮮，啲量又夠，佢d鮑魚仲要郁郁下，正野。湯底就揀鴛鴦鍋，要咗麻辣鴨血同日式豆乳海鮮，兩款湯底口感都好好，麻辣鴨血鍋辣度夠，豆乳海鮮鍋就口感滑滑嫩嫩，兩者都有啲獨特嘅風味。菜盤都非常新鮮，菜種類都多。而其他邊爐配料都多達20樣可以揀，真係花多眼亂，而且like餐廳ig或fb仲送movenpick雪糕添，真係食到好鬼滿足。整體黎講，餐廳性價比高，食材新鮮，環境舒服，而且又唔限時，岩晒一班肉食獸黎大食返餐