更多
2015-11-02
1499 瀏覽
踏入秋天，又係食大閘蟹季節。以往鴻星好似係8:30後先有8折，而家全日有優惠，good～兩人份套餐有兩個價錢，兩個餐都有每人3隻大閘蟹，只係貴的多左道翅，我選左平的（八折$318），食得飽飽，質素又高，抵食。先上 燒腩伴肴肉，燒腩仔熱辣又鬆化，肴肉未算有驚喜，但都ok的。再來係 蟹粉湯包（每人一隻），皮夠薄，湯汁熱而且多，蟹粉亦滿有甘香，每人得一隻真係唔多夠喉。此時 大閘蟹上枱喇，先來每人兩隻蟹公，雖然係蟹公，但都唔好睇少，幾乎係爆膏狀態，滑溜的蟹膏非常甘香，大閘蟹蟹肉一向唔多，主要集中係蟹腳，點醋食一流。後上的每人一隻蟹乸，蟹膏係固體狀，色澤亦較橙紅，雖然膏係比較多，但我都係鍾意蟹公的質感多d。 黑椒泡響螺柳分量唔多，響螺肉有彈性，配黑椒好惹味，翠玉瓜亦爽甜。 金肚帶子羹上枱前會以煲仔加熱，所以好燙口，味道出奇地好，調味足，粟米加添左甜味，魚肚同帶子都落足料，好想飲多碗。 臘味飯並非臘味炒飯，係將切碎臘肉臘腸等鋪在糯米飯面蒸，不過同樣好食，糯米吸晒臘味香味，而且軟硬適中，所以雖然好飽，都忍唔住食晒。結尾的甜品係 紅棗糕，我平時唔鍾意食，因為唔鍾意咬到紅棗，但呢個只會食到紅棗
兩人份套餐有兩個價錢，兩個餐都有每人3隻大閘蟹，只係貴的多左道翅，我選左平的（八折$318），食得飽飽，質素又高，抵食。
先上 燒腩伴肴肉，燒腩仔熱辣又鬆化，肴肉未算有驚喜，但都ok的。
再來係 蟹粉湯包（每人一隻），皮夠薄，湯汁熱而且多，蟹粉亦滿有甘香，每人得一隻真係唔多夠喉。
此時 大閘蟹上枱喇，先來每人兩隻蟹公，雖然係蟹公，但都唔好睇少，幾乎係爆膏狀態，滑溜的蟹膏非常甘香，大閘蟹蟹肉一向唔多，主要集中係蟹腳，點醋食一流。後上的每人一隻蟹乸，蟹膏係固體狀，色澤亦較橙紅，雖然膏係比較多，但我都係鍾意蟹公的質感多d。
黑椒泡響螺柳分量唔多，響螺肉有彈性，配黑椒好惹味，翠玉瓜亦爽甜。
金肚帶子羹上枱前會以煲仔加熱，所以好燙口，味道出奇地好，調味足，粟米加添左甜味，魚肚同帶子都落足料，好想飲多碗。
臘味飯並非臘味炒飯，係將切碎臘肉臘腸等鋪在糯米飯面蒸，不過同樣好食，糯米吸晒臘味香味，而且軟硬適中，所以雖然好飽，都忍唔住食晒。
結尾的甜品係 紅棗糕，我平時唔鍾意食，因為唔鍾意咬到紅棗，但呢個只會食到紅棗香，唔會有一粒粒紅棗，糯米糕煙煙韌韌，唔太甜，好滿意。
隨餐會附送橙汁或花雕酒一杯，食完大閘蟹亦會奉上薑茶，薑茶暖胃好飲，熱情好客的侍應不斷為我們添飲，好細心。呢度的大閘蟹餐性價比高，今年一定有機會再encore。
值得去指數：
張貼
