海悠

營業中

休息中

見到太多人推呢間炸子雞，決定同男朋友嚟試試佢🐣炸子雞半隻$68真係算份量十足，原來呢個價錢都會做到外脆內嫩，佢配埋俾你嘅酸辣醬我冇點到，因為就咁食件雞都已經非常足夠，原汁原味🦀秘製蟹黃醬海皇炒飯一嚟到見到一大pat蟹黃醬喺面，飯底算係淡口味啲，所以係靠撈勻咗蛋黃醬提高香味，炒飯份量算幾多，最後男朋友都食唔晒，不過整體嚟講呢個炒飯冇太大特別🦐黑松露滑蛋炒蝦仁呢個有驚喜！黑松露味超重，然後啲蛋炒得超滑，蝦仁亦都彈牙，好彩走咗飯，如果唔係完全食唔晒。用呢一個黑松露滑蛋蝦仁配返我另外叫嗰個蟹黃醬炒飯就啱啱好。