龍泉私房菜 (已搬遷) 新店位置

今日慶祝父親節，特登2星期前Book檯，Order招牌套餐（$288／人）（1）蟹肉扒金山勾翅一上第一道菜，翅大大塊，好有氣派湯底咸咸地，有d黏口帶膠質，爸爸話好食過去飲果d翅（2）天下第一雞外皮有大量芝麻，食落口味道好似煎堆咁，香香脆脆，家人都讚好食（3）原隻鮑魚扣山珍海味依道菜有d失望位，海蔘有怪味，冬菇厚肉但唔入味，鮑魚不錯加返分。（4）花雕海蟹蒸蛋白花雕酒味太濃烈，遮左蟹既鮮甜既同時，變得有苦味。如少點花雕會更好味。（5）蒜蓉蒸粉絲雖然食得出係雪藏貨，但帶子位尚算大粒，味道可以。（6）一蝦三食蝦丸中間有芝士加分，但蝦丸本身唔彈牙（多粉）。黃金蝦，咸蛋黃加糖混合既外皮可口，但蝦肉本身無乜鮮味豉油蝦，調味不錯，同樣問題，蝦唔係新鮮。（7）炒飯其貌不揚既炒飯出奇地好食，粒粒分明，有胡椒香味，炒得好香，好味道！（8）瑤柱菜心原本menu寫係瑤柱西蘭花，但變左菜心，差咁d，因為菜心掛唔到汁！但瑤柱汁鮮甜，幾正（9）蒸海班讚！火候岩岩好，蒸出黎既魚嫩滑無比！（10）芒果布丁中間有芒果粒，但茫果布丁本身無布丁既彈彈滑滑既質感，係因為加多左水？性價比高，$288竟然食到咁多道菜又有海鮮但大廈人