影片
更多
2021-10-05
35 瀏覽
銅鑼灣登龍街不嬲出名多嘢食，呢間居酒屋係競爭激烈嘅永光中心已經開業兩週年，有唔少熟客捧場，睇嚟口碑唔錯！😚🥗紫蘇牛油果刺身沙律 $85 三文魚配吞拿魚刺身，再加上牛油果🥑，顏色非常鮮艷，打卡一流，酸酸地好開胃，面頭嘅紫蘇絲意外地同刺身好夾，刺身份量唔少，幾抵食🤩🦪法國生蠔半打 $108生蠔鮮甜，帶少許海水味，夠冰凍新鮮，最啱配清酒🍶廚師發板壽司拼盤 (上) 🍣 $480壽司好新鮮，有金目鯛，牡丹蝦，池魚，左口魚，吞拿魚，帆立貝等，海膽飯真係好足料，整到兩個海膽手卷都有剩，咩都抵返晒！唯一挑剔之處係紫菜唔夠脆🤣🤣🍲銀鱈魚鍋 $268季節限定嘅銀鱈魚鍋好出色，店員會將煮熟咗嘅銀鱈魚同菜放入鍋入邊，咁就唔怕魚未熟，鍋內配料好多，expected 嘅冬菇，豆腐，娃娃菜，蘿蔔都有，竟然仲有粉絲!!😍😍 食到咁上下，店員幫我哋加咗飯，紫菜同蛋，將個鍋煮成粥。食落勁有驚喜，個粥吸收晒鱈魚湯嘅精華，超推介🤤 圓滿咁結束左呢一餐，好滿足❤️
🥗紫蘇牛油果刺身沙律 $85
三文魚配吞拿魚刺身，再加上牛油果🥑，顏色非常鮮艷，打卡一流，酸酸地好開胃，面頭嘅紫蘇絲意外地同刺身好夾，刺身份量唔少，幾抵食🤩
🦪法國生蠔半打 $108
生蠔鮮甜，帶少許海水味，夠冰凍新鮮，最啱配清酒🍶
廚師發板壽司拼盤 (上) 🍣 $480
壽司好新鮮，有金目鯛，牡丹蝦，池魚，左口魚，吞拿魚，帆立貝等，海膽飯真係好足料，整到兩個海膽手卷都有剩，咩都抵返晒！唯一挑剔之處係紫菜唔夠脆🤣🤣
🍲銀鱈魚鍋 $268
季節限定嘅銀鱈魚鍋好出色，店員會將煮熟咗嘅銀鱈魚同菜放入鍋入邊，咁就唔怕魚未熟，鍋內配料好多，expected 嘅冬菇，豆腐，娃娃菜，蘿蔔都有，竟然仲有粉絲!!😍😍 食到咁上下，店員幫我哋加咗飯，紫菜同蛋，將個鍋煮成粥。食落勁有驚喜，個粥吸收晒鱈魚湯嘅精華，超推介🤤 圓滿咁結束左呢一餐，好滿足❤️
張貼
