更多
2021-10-24
590 瀏覽
成日都會去觀塘搵野食，哩間餐廳經過過幾次，今日終於都同朋友入去試下。餐廳行木系懷舊設計，環境寬闊多卡位。餐牌上面有多款唔同既台日料理同小食，而惠顧任何主食，可以加$12自選$25以下飲品一杯或者加$16自選燉湯一盅，所以我地都加左奶茶🥤😆🍱原條蒲燒鰻魚飯 $118原條蒲燒鰻魚真係好大條😂而且厚肉無骨，入面仲有溫泉蛋、紫菜同埋白菜仔，另外仲會跟一碗湯🥣撈勻鰻魚汁同溫泉蛋一齊食夠曬惹味。🍜花雕麻油雞湯麵 $78四件雞件都啖啖肉，完全無骨，而且肉質嫩滑。另外真係超鍾意佢既麵！係台灣粗麵線，食落似幼烏冬，而花雕酒會用木杯另上，大家可以按自己既需要加入合適既份量，哩個湯麵好有驚喜，同朋友勁快就清曬，好食推介👍🏻🍗鹽酥雞 $38份量好多，炸得相當香脆。🦐府城蝦卷 $28薄薄既腐皮包住蝦滑，點埋沙律醬一齊食，味道可口。🧋仙草奶茶（冷）$24🧋珍珠奶茶（冷）$24奶茶可以選擇無糖、半糖或者正常。整體黎講，餐廳食物份量都幾多，而且質素唔錯，性價比算係幾高，去開觀塘可以一試。
餐牌上面有多款唔同既台日料理同小食，而惠顧任何主食，可以加$12自選$25以下飲品一杯或者加$16自選燉湯一盅，所以我地都加左奶茶🥤😆
🍱原條蒲燒鰻魚飯 $118
原條蒲燒鰻魚真係好大條😂而且厚肉無骨，入面仲有溫泉蛋、紫菜同埋白菜仔，另外仲會跟一碗湯🥣撈勻鰻魚汁同溫泉蛋一齊食夠曬惹味。
🍜花雕麻油雞湯麵 $78
四件雞件都啖啖肉，完全無骨，而且肉質嫩滑。另外真係超鍾意佢既麵！係台灣粗麵線，食落似幼烏冬，而花雕酒會用木杯另上，大家可以按自己既需要加入合適既份量，哩個湯麵好有驚喜，同朋友勁快就清曬，好食推介👍🏻
🍗鹽酥雞 $38
份量好多，炸得相當香脆。
🦐府城蝦卷 $28
薄薄既腐皮包住蝦滑，點埋沙律醬一齊食，味道可口。
🧋仙草奶茶（冷）$24
🧋珍珠奶茶（冷）$24
奶茶可以選擇無糖、半糖或者正常。
整體黎講，餐廳食物份量都幾多，而且質素唔錯，性價比算係幾高，去開觀塘可以一試。
張貼
