Elephant Kitchen (已結業)

新既一年，拜訪朋友屋企，朋友話附近有間西餐廳幾好食，所以就決定係度用餐。餐廳座位唔太多，而剛剛開門已經好多人湧入，好彩我另一位朋友就率先拎位，拎到最後一張枱，否則唔知等到幾時。餐牌有雞、豬、三文魚及牛的主食，可配薯蓉或沙律，相信總有一款岩你口味。最後我聽從朋友推介，揀咗烤胡椒雞扒+周打蜆湯。周打蜆湯：好足料，湯入面有好多蜆肉，而且味道濃郁，唔係用味精/粉開出黎既垃圾餐湯。烤胡椒雞扒：雞扒大大件，切開都幾厚肉，肉質嫩滑，只係略嫌唔夠胡椒味唔夠。至於薯蓉係比較少見既紫薯，同樣份量都幾大，飲完湯，食埋扒同紫薯都好夠飽。呢間西餐竟然不設加一服務費，明碼實價，真係難得良心小店！