更多
2020-01-06
1618 瀏覽
之前上網見到有人介紹呢間牛肉火鍋店, 所以今個週末專登過嚟試下。我哋怕等位，就食第一場5:00.，平啲又唔使等咁耐。地方大，我哋兩人坐場內中間嘅圓枱，雖然對面另外有兩人，但中間有板隔開了，有私人空間，位置都寛敞。黎之前已經做咗功課，知道呢度有三個餐可以揀。最平個套餐，淨係包最基本嘅牛肉羊肉雞肉，我哋都牛肉有少少要求所以就揀咗中間，我哋覺得性價比最高嘅套餐，牛肉係美國安格斯牛板腱同埋肩胛肉。湯底有九款，全部都有台灣特色。我地怕濃味，選了台灣鳳梨雞鍋。入面好足料，包了半隻雞，同不少配料。外面自助區食物種類好多，主要係丸類，菜，同麵食。目測質素幾新鮮，我哋試咗幾款丸，芋頭貢丸好味😋主力都係食牛同單點菜式，好多款都係台灣直送，包括多款魚漿，例如墨魚漿，干貝鮮魚漿，牛肉漿，全部都好味😋牛肉質素非常好，有雪花同油香，同出邊餐廳單點牛肉質素差唔多，尤其是牛肩胛，推介👍另外要讚嘅係佢哋嘅牛筋，滷得非常入味軟淋。至於飲品方面，包括唔少嘅台式飲品，如柑桔椰果，烏梅汁，冬瓜茶，仲有讚好Fb 或ig就有嘅黑糖珍奶，應該用上明治全脂奶，奶味好香，珍珠煙韌有嚼勁。仲有唔甜嘅冷泡茶，兩款茶味都好香，非常滿意。最後甜
地方大，我哋兩人坐場內中間嘅圓枱，雖然對面另外有兩人，但中間有板隔開了，有私人空間，位置都寛敞。
黎之前已經做咗功課，知道呢度有三個餐可以揀。最平個套餐，淨係包最基本嘅牛肉羊肉雞肉，我哋都牛肉有少少要求所以就揀咗中間，我哋覺得性價比最高嘅套餐，牛肉係美國安格斯牛板腱同埋肩胛肉。
湯底有九款，全部都有台灣特色。我地怕濃味，選了台灣鳳梨雞鍋。入面好足料，包了半隻雞，同不少配料。
外面自助區食物種類好多，主要係丸類，菜，同麵食。目測質素幾新鮮，我哋試咗幾款丸，芋頭貢丸好味😋
主力都係食牛同單點菜式，好多款都係台灣直送，包括多款魚漿，例如墨魚漿，干貝鮮魚漿，牛肉漿，全部都好味😋牛肉質素非常好，有雪花同油香，同出邊餐廳單點牛肉質素差唔多，尤其是牛肩胛，推介👍另外要讚嘅係佢哋嘅牛筋，滷得非常入味軟淋。
至於飲品方面，包括唔少嘅台式飲品，如柑桔椰果，烏梅汁，冬瓜茶，仲有讚好Fb 或ig就有嘅黑糖珍奶，應該用上明治全脂奶，奶味好香，珍珠煙韌有嚼勁。仲有唔甜嘅冷泡茶，兩款茶味都好香，非常滿意。
最後甜品包了每人一客movenpick 雪糕，非常滿足。
張貼
