更多
2021-02-20
683 瀏覽
性價比高嘅街坊小店 飽到食唔到甜品🤭﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷烤豬肉撈檬 $55烤豬肉、青瓜、生菜、芽菜、芫茜、花生、酸菜越南嘢之中最愛撈檬～竟然畀我食得返上次去越南好食到食咗三次嘅撈檬個陣味！有8成相似，個碗嘅撈檬汁同牛肉再出色啲。佢地相似在於都撈咗好多生菜，食落口感索索聲，一半係菜底又會不知不覺食多咗～🤪烤豬肉好香花生醬味，上面仲痴住花生粒粒，有肉汁唔會太乾身，好似食緊串燒豬肉咁！加上大量醃咗嘅酸蘿蔔絲將成碗撈檬升呢，撈埋一齊食勁正！﹣﹣﹣﹣﹣﹣﹣﹣﹣﹣﹣﹣﹣﹣﹣﹣▶蟹膏番茄湯檬 $55蟹膏餅、蕃茄、扎肉、豬紅、生菜、芽菜、芫茜我地兩個都麻麻地呢個，蟹膏同蕃茄陣味一開頭食怪怪的，又酸又蟹膏味，食食下好似慣咗咁接受咗現實，但都冇好喜歡。黃先生係咁diu個半嚿蕃茄唔知jm9話就咁車落嚟點食🤣 同埋蟹膏餅我一直以為凍豆腐嚟。。。定真係凍豆腐？🤣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷越式軟包 $38腩肉、扎肉、肉鬆、酸菜、青瓜、芫茜、蔥、肝醬越南嘢之中黃先生最愛法包～多料夠豐富，啲蔥茜味好出，仲有開胃酸菜同清爽青瓜，一啖咬落去勁多層次勁多口味係齊度～排隊入座個陣咁啱撞到朋友，佢係熟客仔
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷烤豬肉撈檬 $55
烤豬肉、青瓜、生菜、芽菜、芫茜、花生、酸菜
越南嘢之中最愛撈檬～竟然畀我食得返上次去越南好食到食咗三次嘅撈檬個陣味！有8成相似，個碗嘅撈檬汁同牛肉再出色啲。
佢地相似在於都撈咗好多生菜，食落口感索索聲，一半係菜底又會不知不覺食多咗～🤪
烤豬肉好香花生醬味，上面仲痴住花生粒粒，有肉汁唔會太乾身，好似食緊串燒豬肉咁！
加上大量醃咗嘅酸蘿蔔絲將成碗撈檬升呢，撈埋一齊食勁正！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▶蟹膏番茄湯檬 $55
蟹膏餅、蕃茄、扎肉、豬紅、生菜、芽菜、芫茜
我地兩個都麻麻地呢個，蟹膏同蕃茄陣味一開頭食怪怪的，又酸又蟹膏味，食食下好似慣咗咁接受咗現實，但都冇好喜歡。
黃先生係咁diu個半嚿蕃茄唔知jm9話就咁車落嚟點食🤣 同埋蟹膏餅我一直以為凍豆腐嚟。。。定真係凍豆腐？🤣
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷越式軟包 $38
腩肉、扎肉、肉鬆、酸菜、青瓜、芫茜、蔥、肝醬
越南嘢之中黃先生最愛法包～多料夠豐富，啲蔥茜味好出，仲有開胃酸菜同清爽青瓜，一啖咬落去勁多層次勁多口味係齊度～
排隊入座個陣咁啱撞到朋友，佢係熟客仔嗌嘅嘢同我一樣，仲提我最尾一定要試下個班蘭綠豆糕！
但我隊完半個法包先食檬粉其實飽咗一半，食完飽到痴根，完全食唔落甜品，真係唯有下次再試🥺
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
✐
第一郡
深水埗荔枝角道315號地舖
張貼
