影片
更多
2024-03-13
131 瀏覽
天氣凍凍地，最啱食火鍋！今次呢間真係可以encore再encore，兩小時任飲任食，性價比極高～ 旺角【牛站】環境寬敞，坐得舒服，用手機點完野食，好快就上菜喇！部分食物也可到自助區任取，包括一些火鍋食材熟食，大家可以慢慢揀喇！飲品仲有超多選擇，淨係試唔同嘅飲品都試左好多轉。。。除一般嘅汽水和涼茶外，仲有自家製珍珠奶茶，更加意想不到係連日本梅酒和清酒都唔洗加錢就可以無限自助添飲！本身我對食火鍋時嘅飲品冇咩要求，但見到有咁多選擇都忍唔住試左好幾款，梅酒清甜易入口，珍珠奶茶好有台式風味，質素絕對唔hea~講吓個湯底，我地點左龍蝦頭鍋，味道鮮甜又香濃，令食材唔洗沾醬料都已經好夠味, 呢款咁正嘅湯底唔洗額外加錢㗎！套餐方面，呢度有3款選擇，最平$258/位，如果想食多啲牛同海鮮，可以揀$338嗰款，而我地今次就揀左中價嘅$298套餐任食，裏面嘅SRF美國極黑和牛火鍋食材都有勁多選擇，包括我地大愛嘅SRF美國極黑和牛片、安格斯牛板鍵、封門柳、牛肩胛片、巴西牛脷托，牛味濃郁，入口嫩滑，牛魔王見到都興奮！其他肉類包括：澳洲羊肉片、各式豚肉、雞肉和雞子，海鮮類有帆立貝、青口、沙白、魚肚、蝦、脆肉鯇、墨
飲品仲有超多選擇，淨係試唔同嘅飲品都試左好多轉。。。除一般嘅汽水和涼茶外，仲有自家製珍珠奶茶，更加意想不到係連日本梅酒和清酒都唔洗加錢就可以無限自助添飲！本身我對食火鍋時嘅飲品冇咩要求，但見到有咁多選擇都忍唔住試左好幾款，梅酒清甜易入口，珍珠奶茶好有台式風味，質素絕對唔hea~
講吓個湯底，我地點左龍蝦頭鍋，味道鮮甜又香濃，令食材唔洗沾醬料都已經好夠味, 呢款咁正嘅湯底唔洗額外加錢㗎！
套餐方面，呢度有3款選擇，最平$258/位，如果想食多啲牛同海鮮，可以揀$338嗰款，而我地今次就揀左中價嘅$298套餐任食，裏面嘅SRF美國極黑和牛火鍋食材都有勁多選擇，包括我地大愛嘅SRF美國極黑和牛片、安格斯牛板鍵、封門柳、牛肩胛片、巴西牛脷托，牛味濃郁，入口嫩滑，牛魔王見到都興奮！
其他肉類包括：澳洲羊肉片、各式豚肉、雞肉和雞子，海鮮類有帆立貝、青口、沙白、魚肚、蝦、脆肉鯇、墨魚，當中貝類最吸引我，鮮甜又冇沙～
竹笙釀蝦滑幾特別，好爽滑！仲有台北鴨血、台式餃子等！當然唔少得炸魚皮同響鈴啦！炸雲吞都好夠脆，醬爆糍粑會一試愛上，會爆醬的，好Q彈甜美，是很出色嘅甜品！自助區雪櫃仲有各式奶凍、布甸、芋圓、芝士撻等，仲有各式雪棒同哈根大司雪糕，咁吸引，唔食真係對唔住自己啊！
本來好想試乳鴿，可惜我個胃已經冇晒位喇！唯有等下次再試啦～ 呢個價錢嘅放題包左咁多款美食和飲品確實難得，睇嚟可能要嚟多幾次先可以試得晒！哈！
張貼
