堅信號上海生煎皇 (眾安街) (已搬遷) 新店位置

荃灣眾安街距離地鐵站只有大約10分鐘嘅路程，都算幾方便，呢間舖頭有明星效應，價錢又好平民，一向都好多人食，今日去食下先。呢間舖頭嘅生招牌係煎生煎包，咁一定要點。侍應上菜嘅時候都好細心提醒我哋，生煎包好熱，一咬落去，啲湯真係好熱，而且好多湯汁，個底好脆，肉汁好有肉味，非常好食，唔怪得知每一枱都有點呢個生煎包。小籠包小籠包同生煎包一樣，入面都係有好多汁，熱辣辣，外皮好有咬口，屬於好好食嘅小籠包。上海粗炒上海粗炒份量好多，大大碟，都足夠四個人食，炒到好香，加埋豆瓣醬食，味道一流凍豆漿豆漿豆味好濃，又唔會好甜，食上海菜一定要嗌返杯。整體而言，埋單都係$200左右，質素係高質上海菜，性價比非常高，絕對值得去食。