32
14
2
等級2
13
2
2020-07-23 106 瀏覽
一大朝早同朋友行完港島徑⛰️,由黃泥涌落返銅鑼灣,因為天氣太熱🥵 又啱啱行完山嘅關係,老編本身已經冇乜胃口食嘢,淨係想食啲凍冰冰嘅甜品消暑兼解渴💨,但係同行嘅朋友就覺得好肚餓又想食啲飽肚啲嘅食物,所以一時間諗唔到應該去邊度同時滿足我地兩個截然不同嘅需要,諗住搭車落咗時代廣場再算。落咗車啱啱經過鵝頸橋底嘅時候,見到一間以前中學成日放學都走過嚟食下午茶嘅鋪頭,諗都唔駛諗就決定入去食個輕便午餐。呢一間小店就係人和荳品廠,佢嘅位置啱啱喺正鵝頸橋底嘅隔離,旁邊就係灣仔街市,對面就係好多過海巴士嘅鵝頸橋巴士站,地理位置非常方便。據我所知除咗鵝頸橋底呢一間分店之外,渣甸坊嗰邊亦都有一家,另外旺角嗰頭都有兩家,都算係一間連鎖式嘅豆製食品小店!入到去店舖嘅空間唔算好大,店內設計簡單樸素,冇乜太多花巧嘢,座位亦都係以舊式嘅直木凳為主,整間店舖大概最多可以容納20人左右,係一間實而不華嘅小店,仲有滿滿以前同中學同學落嚟食嘢嘅回憶添。入到舖頭右邊首先見到一個開放式嘅廚房,展板上鋪滿左一嚿嚿魚肉豆腐,聞到都香噴噴,雖然小店嘅設備睇得出都用咗好長嘅一段時間,唔算新,但整體來講都係好整齊好乾淨。好香嘅魚肉豆腐製作中
更多
一大朝早同朋友行完港島徑⛰️,由黃泥涌落返銅鑼灣,因為天氣太熱🥵 又啱啱行完山嘅關係,老編本身已經冇乜胃口食嘢,淨係想食啲凍冰冰嘅甜品消暑兼解渴💨,但係同行嘅朋友就覺得好肚餓又想食啲飽肚啲嘅食物,所以一時間諗唔到應該去邊度同時滿足我地兩個截然不同嘅需要,諗住搭車落咗時代廣場再算。

落咗車啱啱經過鵝頸橋底嘅時候,見到一間以前中學成日放學都走過嚟食下午茶嘅鋪頭,諗都唔駛諗就決定入去食個輕便午餐

0 瀏覽
3 讚好
0 留言
呢一間小店就係人和荳品廠,佢嘅位置啱啱喺正鵝頸橋底嘅隔離,旁邊就係灣仔街市,對面就係好多過海巴士嘅鵝頸橋巴士站,地理位置非常方便。據我所知除咗鵝頸橋底呢一間分店之外,渣甸坊嗰邊亦都有一家,另外旺角嗰頭都有兩家,都算係一間連鎖式嘅豆製食品小店!

0 瀏覽
3 讚好
0 留言
入到去店舖嘅空間唔算好大,店內設計簡單樸素,冇乜太多花巧嘢,座位亦都係以舊式嘅直木凳為主,整間店舖大概最多可以容納20人左右,係一間實而不華嘅小店,仲有滿滿以前同中學同學落嚟食嘢嘅回憶添。

0 瀏覽
3 讚好
0 留言
入到舖頭右邊首先見到一個開放式嘅廚房,展板上鋪滿左一嚿嚿魚肉豆腐,聞到都香噴噴,雖然小店嘅設備睇得出都用咗好長嘅一段時間,唔算新,但整體來講都係好整齊好乾淨。
0 瀏覽
3 讚好
0 留言
好香嘅魚肉豆腐製作中 😋

豆腐花類
2 瀏覽
3 讚好
0 留言


豆漿, 小食類
3 瀏覽
3 讚好
0 留言

同朋友喺店裏面兩個人揀咗一張四人枱坐,小店嘅餐牌只有兩頁,一頁全部都係豆腐花類,另一頁就有豆漿同埋一啲小食,選擇唔多,但每一碟嘅價錢都只係$20內,感覺好抵食
-

睇完餐牌之後,同朋友一共嗌咗兩碗豆腐花同三碟小食。雖然話就話小食,但每一碟嘅份量都好大,食完就好似食咗一餐正餐咁,性價比好高!而且上菜嘅速度非常快,我哋落咗單5分鐘之後就已經開始列咗啲小食,啱晒啲趕時間嘅人過嚟快吃一餐

豉油王炒麵
$16
1 瀏覽
2 讚好
0 留言
首先食係豉油王炒麵($16),記得以前放學之後最鍾意就係食呢個炒麵啦,雖然只係$16 ,但係炒麵嘅份量多到可以搭一個小山丘,食完已經飽咗一半,而且炒麵嘅配菜好足料,有好多芽菜豆卜條,面質一啲都唔濕,豉油嘅味道仲好入味添,又便超級好食仲好飽肚添,味道同以前都仲係一樣!

碗柴魚花生粥
$20
0 瀏覽
3 讚好
0 留言
另外我哋都嗌左碗柴魚花生粥($20 ),雖然天氣真係熱到完全唔想食粥,但係人和出嘅柴魚花生粥就算再熱都一定要食返碗,因為真係太好食啦!粥底煲得好綿,水同米嘅份量啱啱好,絕對唔會好水,好多柴魚肉同花生係粥入面,一啲都唔馬虎,啱晒我呢啲鍾意「食花生」嘅人!

滷水豆腐豆卜($16 )
滷水豆腐豆卜
$16
1 瀏覽
3 讚好
0 留言
 
滷水豆腐
$16
0 瀏覽
3 讚好
0 留言
黎得豆製專門店當然要嗌翻碟滷水豆腐豆卜($16 )啦,豆腐好滑滷水汁好入味,配埋自家製酸辣醬真係一流,簡單又健康嘅小食
滷水豆卜
$16
0 瀏覽
3 讚好
0 留言
 
滷水豆卜
$16
0 瀏覽
3 讚好
0 留言

豆卜嘅豆味亦好重,食落口啲滷水汁咇曬出黎好香口,配粥食又得!

朱古力豆腐花
$16
1 瀏覽
3 讚好
0 留言

食完三個一啲都唔小嘅小食之後,我地就嗌埋甜品,朋友揀咗花奶豆腐花(凍)($16 )而中意朱古力味產品嘅我當然就嗌咗碗朱古力豆腐花(凍)( $16 )啦!
 
朱古力豆腐花
$16
0 瀏覽
3 讚好
0 留言
兩個比較之下我都係鍾情朱古力味多啲,記得以前中學都係一定會帶呢一個味嘅豆腐花,因為朱古力嘅甜同豆腐花嘅滑好夾,仲係用我最鍾意嘅吉百利朱古力粉開,用咗朱古力粉就唔需要額外加糖水,覺得呢個食法好食過傳統食法好好味!

花奶豆腐花
$16
0 瀏覽
3 讚好
0 留言
花奶豆腐花
$16
0 瀏覽
2 讚好
0 留言
花奶味就第一試,都唔錯嘅,不過略嫌同豆味冇咁夾,會好似變咗食啫喱咁,怪怪地。

總括嚟講,人和荳品廠真係實惠之選,食物平靚正之餘上餐速度仲好快添,當然價錢上已經冇以前中學嗰陣咁平,但係依然係好抵食,喺度仲可以搵返好多中學嘅感覺同回憶,呢啲就真係用錢都買唔到啦!🥰🥰
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-07-11
用餐途徑
堂食
人均消費
$45 (午餐)
推介美食
豉油王炒麵
$ 16
碗柴魚花生粥
$ 20
滷水豆腐豆卜
$ 16
滷水豆腐
$ 16
滷水豆卜
$ 16
滷水豆卜
$ 16
朱古力豆腐花
$ 16
朱古力豆腐花
$ 16
花奶豆腐花
$ 16
花奶豆腐花
$ 16