京滬佳餚 (Fashion Walk) (已結業)

昨天中午經朋友介紹去了銅鑼灣這間餐廳，2個人選了2個午市套餐，套餐價是$188（每人），我們再加了一籠小籠包和一碟酥炸廣島蠔6件，買單一共是港幣$812。套餐份量少 ，包括每人選1個頭盤，我們選了烤麩和燻魚（只有2片，量極少）＋每人一碗酸辣湯（味道都OK) ＋主菜選了酸菜魚（酸菜多太鹹、魚片少和一份咕嚕肉（量也少肉硬）＋2碗飯。燻魚的皮好硬，全部的食物裡面小籠包最好，酸辣湯都唔錯，酥炸廣島蠔的賣相都可以也夠熱，但配了一個酸甜的醬，仲係凍的，完全唔襯蠔的味道。我要求提供椒鹽，服務員好似唔知係咩，後來我要求給鹽和胡椒粉，我同經理講那個醬根本唔襯蠔，又係凍的。經理話醬當然係凍的，這個醬係廚師特別配製的，我實在唔識欣賞。食完之後到夜晚，我們都覺得好口渴，飲好多水都口渴，應該係味精太多。總之，這間餐廳我是唔會再去了，好失望。