影片
更多
2022-05-23
790 瀏覽
今晚想食下啲好嘢，但係又唔想出市區咁遠，就嚟咗元朗呢一間水產餐廳食嘢啦😋試咗一個燒肉套餐，只係$488兩位，超級抵呀，有日本和牛，牛小排，豬肉，鹿兒島雞肉，沙律，同埋湯，性價比超高。唯一覺得奇怪嘅就係點解佢呢度係水產店但係套餐竟然冇海鮮食呢？好想讚下佢嘅鹿兒島雞肉，第一啖食落去仲未食到味道嘅時候(因為太熱)，就已經食到佢嘅口感係好淋好淋，真係要日本嘅雞先可以做到呢個效果。香港嘅雞真係食唔到咁好味😋😋👍其他肉類就同我期望嘅差唔多，好食但係又唔係話太大驚喜。因為今日好想試吓海鮮嘅關係就另外嗌多咗一個燒蟹蓋，同埋一條時令嘅魚。師傅幫我哋起肉做刺身之後仲將魚骨攞去煲湯，可以飲多一碗魚湯，好細心呀😊最後仲試咗佢一個清酒嘅tasting，$255有三杯酒。侍應會過嚟每一種酒同你介紹一下，酒我就唔係好識飲啦，但係總括來講成個Experience都好好。佢呢度服務都好好，不停有人過嚟招呼周到。仲有餐廳好大間，坐得好舒服，但係星期日晚客人都唔係好多，可能因為位置嘅關係掛，希望多啲人認識呢間餐廳試吓佢😌
試咗一個燒肉套餐，只係$488兩位，超級抵呀，有日本和牛，牛小排，豬肉，鹿兒島雞肉，沙律，同埋湯，性價比超高。唯一覺得奇怪嘅就係點解佢呢度係水產店但係套餐竟然冇海鮮食呢？
好想讚下佢嘅鹿兒島雞肉，第一啖食落去仲未食到味道嘅時候(因為太熱)，就已經食到佢嘅口感係好淋好淋，真係要日本嘅雞先可以做到呢個效果。香港嘅雞真係食唔到咁好味😋😋👍其他肉類就同我期望嘅差唔多，好食但係又唔係話太大驚喜。
因為今日好想試吓海鮮嘅關係就另外嗌多咗一個燒蟹蓋，同埋一條時令嘅魚。師傅幫我哋起肉做刺身之後仲將魚骨攞去煲湯，可以飲多一碗魚湯，好細心呀😊
最後仲試咗佢一個清酒嘅tasting，$255有三杯酒。侍應會過嚟每一種酒同你介紹一下，酒我就唔係好識飲啦，但係總括來講成個Experience都好好。
佢呢度服務都好好，不停有人過嚟招呼周到。仲有餐廳好大間，坐得好舒服，但係星期日晚客人都唔係好多，可能因為位置嘅關係掛，希望多啲人認識呢間餐廳試吓佢😌
張貼
