435
13
3
等級4
197
0
2019-11-10 3953 瀏覽
呢排好似好耐冇食肉,見到觀塘工業區竟然有間好似幾Grand嘅扒房,於是就想去試吓啦。一上到去竟然係牛扒任食!!!日本放題就放得多啦,牛扒放題就真係未試過。一開始諗住任食得快牛扒應該唔會好大塊啦,點知......入到去個環境其實都好舒服嘅,地方都好大,啲裝飾都幾有家的感覺。佢除咗牛扒任食之外仲有沙律啦法式麵包啦湯啦飲品啦,都係任食任飲。一坐低,職員就好細心咁幫我地每人帶左一份牛扒牛脷同一份薯條。冇錯呀!牛扒,牛脷同薯條都係任食㗎!然後我就去咗攞個蘑菇湯先啦,佢個忌廉蘑菇湯真係好足料,好香蘑菇味,而且真係煮出嚟二唔係一啲湯煲去開水。連飲品佢有三款俾你揀,有芒果紅茶,巨峰提子紅茶同埋百香果金巴利汁。我自己最鍾意飲就係百香果金百利汁,不過佢另外兩款都好好飲㗎。佢個牛脷煮到好軟腍,佢應該係炆嘅,而且好入味,唔會有騷味,加埋你個黑椒汁唔會太辣,都幾好食。佢個薯條更加係冇得頂,因為條條都好聚手,佢係用一個薯仔切條然之後去做成嘅薯條,而唔係快餐店嗰啲買返嚟就炸嘅薯條,同埋呢個薯條本身調左味,唔點茄汁都好食。然之後就係今晚嘅主角 - 牛扒。佢係西冷牛扒嚟嘅,但係竟然冇乜筋,剩係得側邊一舊大嘅筋,然後成塊
更多
呢排好似好耐冇食肉,見到觀塘工業區竟然有間好似幾Grand嘅扒房,於是就想去試吓啦。一上到去竟然係牛扒任食!!!日本放題就放得多啦,牛扒放題就真係未試過。一開始諗住任食得快牛扒應該唔會好大塊啦,點知......
105 瀏覽
1 讚好
0 留言
69 瀏覽
1 讚好
0 留言

入到去個環境其實都好舒服嘅,地方都好大,啲裝飾都幾有家的感覺。
26 瀏覽
1 讚好
0 留言

佢除咗牛扒任食之外仲有沙律啦法式麵包啦湯啦飲品啦,都係任食任飲。

一坐低,職員就好細心咁幫我地每人帶左一份牛扒牛脷同一份薯條。冇錯呀!牛扒,牛脷同薯條都係任食㗎!
60 瀏覽
2 讚好
0 留言

然後我就去咗攞個蘑菇湯先啦,佢個忌廉蘑菇湯真係好足料,好香蘑菇味,而且真係煮出嚟二唔係一啲湯煲去開水。
25 瀏覽
2 讚好
0 留言

連飲品佢有三款俾你揀,有芒果紅茶,巨峰提子紅茶同埋百香果金巴利汁。我自己最鍾意飲就係百香果金百利汁,不過佢另外兩款都好好飲㗎。
61 瀏覽
1 讚好
0 留言

佢個牛脷煮到好軟腍,佢應該係炆嘅,而且好入味,唔會有騷味,加埋你個黑椒汁唔會太辣,都幾好食。佢個薯條更加係冇得頂,因為條條都好聚手,佢係用一個薯仔切條然之後去做成嘅薯條,而唔係快餐店嗰啲買返嚟就炸嘅薯條,同埋呢個薯條本身調左味,唔點茄汁都好食。
39 瀏覽
2 讚好
0 留言

然之後就係今晚嘅主角 - 牛扒。佢係西冷牛扒嚟嘅,但係竟然冇乜筋,剩係得側邊一舊大嘅筋,然後成塊都好軟腍。
38 瀏覽
1 讚好
0 留言

因為我哋嗌左五成熟,好少地方嗌五成熟,係真係可以五成熟,而唔係過生或者過熟。而且一切開中間真係粉嫩嘅顏色,同埋鎖咗好多肉汁係入邊。
24 瀏覽
1 讚好
0 留言

食飽之後仲有甜品,係一個黑朱古力麻薯,為呢一餐咁豐富性價比高嘅晚餐落咗一個完美嘅序幕。
32 瀏覽
1 讚好
0 留言

食咗咁多嘢,食物係有質素嘅,份量係意想唔到嘅,呢個性價比真係超級高。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-11-09
用餐途徑
堂食
人均消費
$330 (晚餐)