La Taverna

營業中

休息中

我舊同事話想試呢間，咁就訂咗位食飯。裝修係幾有味道，但係食物嘅質素真係好一般。餐前嘅麵包同埋杯酒（教父）應該係全晚最好食嘅嘢。相片反映事實，睇吓青口上邊嗰兩條麵包食，食落去係有苦味。個藍青口有海水味，但係偏腥，有兩粒真係腥到吞唔到。另外個龍蝦意粉啲蝦肉唔彈牙而且比較削。個魚嘅份量啱啱好兩啖就冇晒，不過塊魚皮係煎得脆。個牛膝燉飯，留意番張相好大塊骨，明白牛膝係有骨，但係唔係佔成份菜式嘅一半以上。四個人埋單共一千四百幾蚊，最後大家都係要轉場再食其他野。事次自費，上述食評為該此用餐㗎個人體驗。