The Captain's House

營業中

休息中

好耐之前食過Mr. Crab By Captain's House果間覺得幾高質服務又唔錯一路想試埋呢間，今日接個朋友收工咁啱係尖沙咀就不如撞日上嚟食其實上到嚟已經覺得同果間好大分別...可能咁啱果次去冇乜客就招呼好d?呢間等勁耐都唔得閒so我地，淨係加水都揮咗幾次手......咁講返d野食啦，今次我地冇叫一袋袋果d海鮮，諗住食下其他薯條我以為會有d松露味or醬就會好食d，不過原味都香脆夠熱嘅唯一唔掂係唔知佢個白色醬係咩嚟，其實完全食唔出咩味勁淡跟住叫咗個焗薯，又係以為平時食開一大舊焗薯果d點知係咁細一舊一舊唔太過癮囉...薯味亦唔係好出，重點又係果個乜味都冇嘅醬點😅點完又冇味唔點又冇味，點茄汁好過...好在main叫咗個豬肋骨呢個就唔差嘅，拉返分，個side薯角仲好食過單點果碟焗薯😑豬肋骨夠juicy肉質都夠嫩，除咗最中間有少少乾身不過都算好食兩條友咁樣食咗少少野又唔係飽就幾百蚊人均，umm應該唔會再嚟呢間