影片
更多
2021-03-14
472 瀏覽
近排睇得多韓劇，見到啲主角喺餐廳食嘢 睇到我流曬口水，又咁啱行開尖沙咀嗰條韓國街 金巴利道，所以就揀咗呢一間鋪面好韓風嘅餐廳試試佢 餐廳座位好寬闊企理，一坐低店員已經好殷勤咁攞咗啲前菜包括泡菜同煎餅畀我哋 我哋先嗌咗個辣泡菜豬肉湯， 一上菜就已經俾佢吸引住，因為個湯煮到熱辣辣，上枱嘅時候啲湯仲非常之滾 散發出濃烈嘅辣泡菜味， 味道偏濃烈同略鹹，適合啲重口味嘅人士，豆腐亦都吸收曬濃湯嘅精華，配埋白飯食一流 仲叫咗四隻甜辣炸雞翼，炸粉控制得好好，唔會話太厚，啲醬汁亦都調教得好適中，微甜亦有香口嘅辣味。雞翼啱啱炸起 配埋啲辣汁 非常之惹味 最後仲點咗個漢城紫菜飯卷， 39蚊但係份量非常之足夠， 飯卷裏面嘅配菜好充足，加埋少少芝麻一齊食， 好夾！ 成餐飯加埋支Apple soda都係200蚊鬆啲到 性價比唔錯 : )
餐廳座位好寬闊企理，一坐低店員已經好殷勤咁攞咗啲前菜包括泡菜同煎餅畀我哋
我哋先嗌咗個辣泡菜豬肉湯， 一上菜就已經俾佢吸引住，因為個湯煮到熱辣辣，上枱嘅時候啲湯仲非常之滾 散發出濃烈嘅辣泡菜味， 味道偏濃烈同略鹹，適合啲重口味嘅人士，豆腐亦都吸收曬濃湯嘅精華，配埋白飯食一流
仲叫咗四隻甜辣炸雞翼，炸粉控制得好好，唔會話太厚，啲醬汁亦都調教得好適中，微甜亦有香口嘅辣味。雞翼啱啱炸起 配埋啲辣汁 非常之惹味
最後仲點咗個漢城紫菜飯卷， 39蚊但係份量非常之足夠， 飯卷裏面嘅配菜好充足，加埋少少芝麻一齊食， 好夾！ 成餐飯加埋支Apple soda都係200蚊鬆啲到 性價比唔錯 : )
10 瀏覽
0 讚好
0 留言
張貼
