金源餐廳

營業中

休息中

大埔地膽帶路，嚟到呢間位於寶鄉橋旁邊嘅茶餐廳，附近周圍都係巴士小巴站，地點十分方便。一入門口，老闆娘同員工熱情招待，友人話呢啲就係大埔嘅人情味。早餐時段未過，叫咗個沙嗲牛肉米粉、煎雙蛋，牛油厚多士同熱奶茶少甜。啱啱消毒完雙手，口罩都未除，就已經勁快上餐！30幾蚊一個早餐，份量都唔少，我同朋友都當lunch 食。沙嗲汁味道濃郁，牛肉嫩滑（唔會比生粉醃過龍），牛油厚多士竟然連皮上，個人其實好鍾意麵包皮嘅香味 奶茶茶味香濃，夠滑。嚟開大埔，想要快靚正嘅茶餐推介佢哋而家堂食都只係做到六點，所以唔使登記資料，食得開心又安心！