更多
2021-02-05
6473 瀏覽
我同阿sir兩個羊痴都好耐無食羊肉火鍋喇,對上一次係兩年前響荃灣小肥羊,不過服務態度真係好差!上星期有朋友通知"快樂小羊"做緊6折,即刻嗱嗱臨上OpenRice 訂枱,星期六中午12點二人窗口卡位,安排坐6人位坐得非常舒服,又無時間限制,我哋當日都食咗兩個幾鐘,不過留意返6折唔包括鍋底、飲品同和牛架。🥢成雙鍋$128 (清湯+辣鍋)⭐️⭐️⭐️⭐️呢度個清湯鍋同小肥羊果邊個清湯鍋差唔多味道,都係有啲啲藥材味好好味,而辣鍋只係少辣程度,我唔食得辣都勉強食到🥢羊羊大拼盤 $288 (草原臻選大片羊+太陽卷+快樂卷)⭐️⭐️⭐️最大片果隻係大片羊,最羶同最有口感,下次散叫會叫返呢款;一卷卷果隻係太陽卷,比較嫩同少羶,都食得過;最後花形嘅係快樂卷,完全無羶味同肉質較韌,所以下次嚟唔會再叫拼盤🥢羔羊肋卷 $128⭐️⭐️⭐️⭐️我覺得呢隻同太陽卷差唔多,無論口感同羊羶度,每次要淥兩三片先算食緊羊肉🥢手工滑三拼 $108 (蝦滑+墨魚滑+羊肉滑)⭐️⭐️⭐️蝦滑同墨魚滑同樣出色,非常彈牙富蝦味同墨魚味;而羊肉滑有羶味都ok,略嫌調味太重手咸咗dd🥢板豆苗半份 $21⭐️⭐️⭐️⭐️🥢皇帝菜半份 $21⭐️⭐️⭐️⭐️因為6折太抵,所以叫咗兩
🥢成雙鍋$128 (清湯+辣鍋)⭐️⭐️⭐️⭐️
呢度個清湯鍋同小肥羊果邊個清湯鍋差唔多味道,都係有啲啲藥材味好好味,而辣鍋只係少辣程度,我唔食得辣都勉強食到
🥢羊羊大拼盤 $288 (草原臻選大片羊+太陽卷+快樂卷)⭐️⭐️⭐️
最大片果隻係大片羊,最羶同最有口感,下次散叫會叫返呢款;一卷卷果隻係太陽卷,比較嫩同少羶,都食得過;最後花形嘅係快樂卷,完全無羶味同肉質較韌,所以下次嚟唔會再叫拼盤
🥢羔羊肋卷 $128⭐️⭐️⭐️⭐️
我覺得呢隻同太陽卷差唔多,無論口感同羊羶度,每次要淥兩三片先算食緊羊肉
🥢手工滑三拼 $108 (蝦滑+墨魚滑+羊肉滑)⭐️⭐️⭐️
蝦滑同墨魚滑同樣出色,非常彈牙富蝦味同墨魚味;而羊肉滑有羶味都ok,略嫌調味太重手咸咗dd
🥢板豆苗半份 $21⭐️⭐️⭐️⭐️
🥢皇帝菜半份 $21⭐️⭐️⭐️⭐️
因為6折太抵,所以叫咗兩款,蔬菜超新鮮翠綠,吸盡湯底精華,必叫
🥢蒙式烤串 $26x3⭐️⭐️⭐️⭐️
算幾大串,肉質juicy少辣有羊羶味,肥肉亦唔會好多,必叫
二人共消費:$622 (Openrice 訂座有6折)
張貼