八天堂 (已結業)

由八天堂將會登陸香港既消息開始,已經勁想試佢既忌廉包..一諗到每一口咬落麵包都會有滿滿既忌廉,果份滿足感真係文字不能形容!!前日同朋友小聚會,竟然帶同左八天堂既忍廉包黎!!!太太我即時眼前一亮!!!! 1盒有5個唔同口味,分別係吉士,鮮忌廉,抹茶,紅豆同埋朱古力~~ 每1個獨立包裝,外表平平無奇,不過拎上手既重量已經FEEL到個足料程度.... 我食既係吉士口味,吉士忌廉濃厚軟滑~~~第一啖咬落去已經係滿滿既吉士餡同軟棉棉既麵包~絕對唔係第一啖永遠都只係空氣包既失落感~~~ 每一個包包入面都係滿到要爆既忌廉...絕對唔係空氣包~!!! 其餘朱古力同紅豆口味,朋友都讚不絕口~~~ 如果喜歡食忌廉既朋友一定會因為依個包而感到幸福同滿足~~(即係我~) 聽聞尖沙咀分店堂食會有鹹點~下次有機會一定要試試~~