生生市場 (永德大廈)

每次去親銅鑼灣都會去呢間韓國小店買幾樣小食返屋企，不得不推介呢度嘅鮮泡菜，係我喺香港食過最好食嘅泡菜，就香辣而且新鮮真係唔同啲，小朋友就最鍾意食醬油鵪鶉蛋，平時食鵪鶉蛋最多食四五隻，但用醬油醃到入晒未，小朋友係可以一餐食到八隻，仲要係我控制住先唔繼續食落去，證明真係幾惹味。

1

另外呢度嘅韓式燒餅價錢唔貴，而且份量都幾多，海鮮入邊有蝦有魷魚增加口感，配埋辣醬一齊食非常開胃，另外韓式炒了年糕，喺舖頭入邊即刻食係最好味，不過小店舖位有限，拎咗返屋企之後我會煮返熱佢，有時撈個米粉或者公仔麵一齊食，超級精彩，小店唔係好起眼，不過入邊真係好似寶藏咁，連韓國靚牛肉同埋醬油蟹都有添。