姚姚酸菜魚 (港威商場)

營業中

休息中

去海港城用商場coupon消費，最抵食莫過於去姚姚，可以每$300平$100好抵，招牌菜酸菜魚啖啖魚肉無骨，不只是大人喜愛，小朋友都鍾意，想要幾酸幾辣多油少油或另加配料自己選擇，如果人少少但又想食多款菜式，還可以叫鴛鴦拼。這裡連茶都香過人，每飲一啖，聞到的濃濃香桃味，令人陶醉，茶位已包，任斟不客氣。小點都好出色，萵筍絲爽甜多水份，䦞滑喉嚨。彩虹烏龍冰粉，好大碗。食店好識做，比多7個餐具，我們7個大人小朋友Share 好滿足，令整個川菜品嚐之行，畫上完滿的句號。