影片
更多
2023-11-15
51 瀏覽
今日收工收得晏好多食市都閂門老公話帶我去油麻地食椰子雞煲滾爺個名好霸氣～時間開到好晏啱晒我地呢d要輪班既打工仔我地叫左個滾得正2人餐$756加左支大既青島啤酒$33店員拎完個煲就開始幫我地倒兩隻椰皇，兩隻椰青，半隻雞，馬蹄。大火水滾熄左將枱上漏斗倒轉就可以開蓋食，一路滾一路聞到好香椰子味。其他野食都陸續送嚟包括日本大元貝兩隻脆肉鯇骨魚腩手打四寶丸皇帝菜即炸紫菜響鈴手包鮮蝦雲吞4粒讚歧烏冬5分鐘後食得啦～雞件好滑雞皮爽架（為左減肥好耐無食雞皮既我都忍唔住食左幾件連皮食）雖然唔係滾左好耐但好入味，唔蘸豉油生蒜都夠味，食完原味又試下蘸嚟食美國安格斯板眼好靚食晒d雞後急不及特落元貝、鮮蝦雲吞、四寶丸滾住先，一邊食紫菜響鈴＆安格斯🐮真係一d都唔誇張唔蘸豉油已經夠晒味元貝本身好新鮮加埋椰皇湯底甜上加甜要讚下手打四寶丸牛丸唔似平時街市買彈牙果種係好密集既口感牛味好濃蝦丸好爽口食到蝦肉（唔係街市淋果隻）好好食脆骨腩無骨夠脆，肉質厚實烏冬吸晒d湯每食一啖都好甜，呢碗安格斯烏冬真係無得頂最後淥埋皇帝菜，飽到攬住個肚🤣🤣睇落唔係好多但超飽店員笑容親切，服務態度一流
老公話帶我去油麻地食椰子雞煲
滾爺個名好霸氣～
時間開到好晏
啱晒我地呢d要輪班既打工仔
我地叫左個滾得正2人餐$756
加左支大既青島啤酒$33
店員拎完個煲就開始幫我地倒兩隻椰皇，兩隻椰青，半隻雞，馬蹄。大火水滾熄左將枱上漏斗倒轉就可以開蓋食，一路滾一路聞到好香椰子味。
其他野食都陸續送嚟包括
日本大元貝兩隻
脆肉鯇骨魚腩
手打四寶丸
皇帝菜
即炸紫菜響鈴
手包鮮蝦雲吞4粒
讚歧烏冬
5分鐘後食得啦～雞件好滑雞皮爽架（為左減肥好耐無食雞皮既我都忍唔住食左幾件連皮食）雖然唔係滾左好耐但好入味，唔蘸豉油生蒜都夠味，食完原味又試下蘸嚟食
美國安格斯板眼好靚
食晒d雞後急不及特落元貝、鮮蝦雲吞、四寶丸滾住先，一邊食紫菜響鈴＆安格斯🐮真係一d都唔誇張唔蘸豉油已經夠晒味
元貝本身好新鮮加埋椰皇湯底甜上加甜
要讚下手打四寶丸
牛丸唔似平時街市買彈牙果種
係好密集既口感牛味好濃
蝦丸好爽口食到蝦肉（唔係街市淋果隻）好好食
脆骨腩無骨夠脆，肉質厚實
烏冬吸晒d湯每食一啖都好甜，呢碗安格斯烏冬真係無得頂
最後淥埋皇帝菜，飽到攬住個肚🤣🤣睇落唔係好多但超飽
店員笑容親切，服務態度一流
張貼
