樓下冰室 (已結業)

荃灣一直都係美食集中地，有時都唔知食咩好，不過好彩有我朋友帶路我就可以搵到好野食，我地去到都見到有好多人食樓下冰室出名嘅就係鮮茄通粉同瑞士雞脾，呢兩樣我都有叫，睇下係咪真係咁好味先！特色鮮茄濃湯通粉配牛乳炒蛋，我就將通粉改為米線，之後再揀多一個招牌瑞士雞脾，成個餐$50有咁多嘢食，性價比幾高。我再點多杯紅豆冰，黎到冰室食野又點可以唔叫紅豆冰呢～食冰室有樣嘢好就係好快就上菜，特色鮮茄濃湯米線嘅湯底先係精華蕃茄湯底真係非常之濃郁，有好香濃嘅蕃茄味，味道酸酸甜甜幾開胃，食得出係用新鮮蕃茄熬製並唔係用茄膏，味道好新鮮米線配打蕃茄湯底都幾夾，可以試吓轉其他唔同嘅配搭都一樣可以咁好味。牛乳炒蛋好滑好香蛋味。套餐配嘅招牌瑞士雞髀，上枱時有好多瑞士汁，可以比客人點嚟食，甜甜鹹鹹，雞髀煮得非常入味，唔會好乾身切左啲雞髀肉仲可以點上剩餘嘅瑞士汁，味道更加濃郁。紅豆冰有好香嘅椰汁味配上紅豆,好滿足又可以解渴粒粒都約大粒，食落口都幾有口感。我同朋友share左一款小食-焗芝士肉醬薯角，熱辣辣送到，分量十足，肉醬配上薯角係完美嘅配搭薯角炸完之後再焗，仍然都可以保持外脆內軟嘅感覺，入面仲有好多薯肉，好飽滿。兩個人