心之食堂 (裝修中)

最近好想食魚生，就上網揾下有咩好食，睇到心之食堂食物質素賣相都唔錯就拉埋家姐去食。係餐廳外坐低等左一陣，入到去比左張二人卡位。餐廳用ipad點菜，望左下都有好多選擇，最尾都係決定食心之魚生飯，另外叫左心之蛋卷同兩杯熱飲。魚生飯一上菜即刻令人垂涎欲滴，個飯擺得好靚打卡一流，擺成心形既飯入面夾左魚籽，面頭鋪滿各式各樣既刺身，小心翼翼甘食第一淡好驚整散左個飯，不過佢整得好結實都唔洗擔心。刺身切得幾厚身，咬落去一淡魚香一淡飯香再加偶爾有魚籽係口入面輕輕爆開，成個口感配搭勁match。刺身非常新鮮，三文魚同蝦非常好食。另外一定要提既一定係心之蛋卷，不過唔記得左影相，呢個蛋卷真係十分滿分有一百分甘好食，熱辣辣既蛋卷上面淋左番茄汁同沙律醬，睇落平平無奇但一切開入面食落已經停唔到口。入面熱辣辣有芝士有d三文魚碎係入面，所有配搭極級match超級好食！不過係切個陣因為太流心有d係碟到曬左😂同家姐兩個人迅速就清曬成個蛋卷。最後飲埋兩杯熱飲，入面有好多薏米，清清地甜甜地好養喉，一杯勁大杯。食完個飯蛋卷再飲埋杯野飲超級飽，坐得又舒服，店員服務亦好好，推薦大家黎銅鑼灣一定要黎試下！🤤