和牛燒肉一郎 (寶漢大廈) (已結業)

和牛燒肉一郎銅鑼灣波斯富街24-30號寶漢大廈2樓高質放題，食和牛燒肉，必食和牛燒肉一郎。未入門口已經見到2隻牛，好有氣勢。門口一入就見到個凍肉櫃，放滿左靚牛，包括日本黑毛和牛， 牆上面寫明產地同番號， 保證真材實料。行入少少，就有飲品櫃甜品櫃沙律仲有Popcorn棉花糖 ，佢有一部專業嘅Popcorn機，可以感受一下自己鏟起爆谷，好好玩。飲品櫃有多款汽水，仲有好多款自家製嘅果茶，菠蘿茶都不錯㗎。揀咗個中價位嘅B set，一嚟送上一個燒肉海鮮船，船頭放咗菇南瓜同菜，有五花肉、雞肉、牛、蝦、帆立貝等等。海蝦等等都可以任嗌，最正係QR code落單，而每次都會嚟齊。仲有一盆肉，齊晒豬牛雞，全部都放得好靚。牛肉入口即溶，雪花分布平均，仲可以任食，非常之咁滿足。五花肉燒得乾都唔怕，因為佢提供左好多款醬汁，除左枱面燒肉汁，可以QR code落單揀唔同嘅醬。仲有提供熟食同炸物，可樂餅必食，仲有牛肉壽司、烏冬、冷麵等等。甜品亦都好好味！朋友聚餐生日喜慶必食推介！