うまい鮨勘

營業中

休息中

今日心情唔靚，黎到海港城，男胖子帶左我黎呢間日本野，每次行過都想食，終於可以試下。佢叫左個皇者海鮮丼，對於無乜胃口嘅我就啱哂，因為呢個丼係多刺身少飯，薄薄一層飯鋪底，上面嘅刺身食極都有，而且有好多款，由海膽，蟹肉，拖羅蓉，甜蝦，三文魚，呑拿魚，北寄貝，帶子，什至鮑魚都有，新鮮又抵食！個他他三文魚沙律好開胃，有大量三文魚籽伴碟。食完咁多生冷野，飲返碗蜆味噌湯，味道濃郁。最後叫多個牛舌串同芝士玉子燒，牛舌香口，咬落唔硬，玉子燒都唔錯，加埋芝士更惹味。