HeSheEat (白布街) (已結業)

今日同老公拍拖去食好野，揀左交通方便的旺角，餐廳有兩層，我哋坐上層，玻璃窗前視野開揚。我哋叫咗單骨蜜糖芥末雞翼，雞翼肉好滑，味道一流，平日怕熱氣嘅我都食完又食，最多之後飲涼茶。主菜BB豬肋骨肉質好鬆軟，好入味，值得推介。另一個叫左黑松露雜菌燒春雞意大利飯，意大利飯軟硬適中，食落好香口，燒春雞燒得好香脆。飲品叫咗杯芝士奶蓋士多啤梨紅茶，芝士同士多啤梨味道好夾，味道唔太甜，啱啱好。最後，叫埋宇治金時心太軟，心太軟係綠茶味，唔係一般食開嘅朱古力，容易入口好多，食完都唔覺得太飽。可能食得飽，再食埋個美味嘅甜品，心情都特別好。臨走見到餐廳原來做緊買一送一套餐優惠，我諗我會再嚟多一次享用呢個優惠。