一行四人本來打算食清真牛肉館的, 但太多人地方又細, 其中有一個朋友食過泰發幾次話唔錯, 所以我地轉戰泰發, 等了10分鐘內己有位, 點了菜亦都好快到, 我地點咗咸魚炒耶菜苗, 柚子海鮮沙律, 咖喱蝦另加蒜蓉包, 芒果蟹肉炒飯, 泰式生蝦及冬蔭公湯
一坐下會送上免費蝦片, 呢個好好食...好香脆及有好濃既鮮胡椒味道...正, 跟住柚子海鮮沙律, 好清新開胃的餐前菜, 柚子好多汁, 調味亦都做到酸及辣剛好, 炒耶菜苗好爽脆新鮮...但D 咸魚切得太大粒好咸, 蒜蓉包好香脆配上咖喱汁一流, 佢D咖喱蝦唔係一味死辣 而係小辣, 但又有其他香料既味道好好味,加上佢D 蝦好大隻及肉質好爽口, 泰式生蝦無想像中咁好食, 但都好新鮮, 同埋佢將D 蝦頭炸過, 唔會浪貴同都幾好味, 冬蔭公反而一般, 係夠辣但咸得濟, 如果唔咁咸應好好多, 反而最普通係芒果蟹肉炒飯, 好普通唔難食亦唔特別好食, 飲品叫了 3 杯特飲, 菠蘿冰 (好清新有少少咸味), 其餘兩杯係椰汁冰及芒果冰我朋友飲的
食到最後 4 人埋單都係約 580元, 都算好味又抵食, 最尾覺得 D 蝦片真係好啱口味 (因本人最愛黑椒或胡椒味既食品) , 佢舖外有個架放咗蝦片及炸豬片呀, 每包 10蚊一包, 好大包又好味...抵食 (老板娘及店員都好 NICE 又好快手, 抵讚 ^.^ )
以上食評乃用戶個人意見 , 並不代表OpenRice之觀點。
讚好
用餐日期
2011-02-19
等候時間
10 分鐘 (堂食)
人均消費
$150 (晚餐)
