41
10
10
等級3
47
1
2018-06-23 930 瀏覽
公司隔年都會喺利寶閣舉辦聚餐,我之前只覺得食物都係過得去,呢排同老公都返半晝,個個中午都鍾意去飲下茶,嘆下點心,享受下悠閒嘅午膳,於是我地就黎試下點心,同之前食圍餐嘅經驗相比,簡直係有驚喜!喺𨋢口見到呢張廣告,搵埋蘇施黃宣傳谷飼叉燒蛋飯,$64連埋足料老火湯,唔係唔試下呀嘛。叉燒蛋飯真係必試,荷包蛋仲有燶邊,比起廣告相更吸引,我本身就好鍾意食燶邊荷包蛋,蛋邊又香又脆;叉燒雖然大舊左少少,斬返兩刀會易食d,幸好口感鬆化,肉質軟腍,肥瘦適中,唔會太膩,脂肪烤得甘香,仲嚐到外層麥芽糖嘅絲絲甜味,好有層次;白飯亦有飯香,有嚼勁,三者結合得恰到好處。隨餐附送嘅足料老火湯絕不欺場,今日係木瓜雪耳雞腳湯,單睇色澤已經知道個湯好濃郁,飲落就覺得好潤。雪耳煲到又腍又滑,我地連湯渣都清得一乾二淨。除左叉燒飯,我地仲點左好幾款點心。脆皮蝦餃,撒少許炸蒜更添鹹香。蝦餃皮薄,最厲害係做到外層脆之餘,仍然食到煙韌口感。蝦肉爽脆,咬開仲有汁滴出來,難怪每粒要$11,但真係值得一試!另外仲點左一籠南翔小籠包。以茶樓質素來講,算係有驚喜。平時去茶樓食果d一係一夾皮就穿,皮太淋,或者係入面一塊冇靈魂嘅肉,不鮮不甜。但呢度
更多
公司隔年都會喺利寶閣舉辦聚餐,我之前只覺得食物都係過得去,呢排同老公都返半晝,個個中午都鍾意去飲下茶,嘆下點心,享受下悠閒嘅午膳,於是我地就黎試下點心,同之前食圍餐嘅經驗相比,簡直係有驚喜!

25 瀏覽
0 讚好
0 留言


喺𨋢口見到呢張廣告,搵埋蘇施黃宣傳谷飼叉燒蛋飯,$64連埋足料老火湯,唔係唔試下呀嘛。

10 瀏覽
1 讚好
0 留言
5 瀏覽
0 讚好
0 留言


叉燒蛋飯真係必試,荷包蛋仲有燶邊,比起廣告相更吸引,我本身就好鍾意食燶邊荷包蛋,蛋邊又香又脆;叉燒雖然大舊左少少,斬返兩刀會易食d,幸好口感鬆化,肉質軟腍,肥瘦適中,唔會太膩,脂肪烤得甘香,仲嚐到外層麥芽糖嘅絲絲甜味,好有層次;白飯亦有飯香,有嚼勁,三者結合得恰到好處。

隨餐附送嘅足料老火湯絕不欺場,今日係木瓜雪耳雞腳湯,單睇色澤已經知道個湯好濃郁,飲落就覺得好潤。雪耳煲到又腍又滑,我地連湯渣都清得一乾二淨。

除左叉燒飯,我地仲點左好幾款點心。

6 瀏覽
0 讚好
0 留言
3 瀏覽
0 讚好
0 留言


脆皮蝦餃,撒少許炸蒜更添鹹香。蝦餃皮薄,最厲害係做到外層脆之餘,仍然食到煙韌口感。蝦肉爽脆,咬開仲有汁滴出來,難怪每粒要$11,但真係值得一試!

另外仲點左一籠南翔小籠包。

4 瀏覽
0 讚好
0 留言

2 瀏覽
0 讚好
0 留言


以茶樓質素來講,算係有驚喜。平時去茶樓食果d一係一夾皮就穿,皮太淋,或者係入面一塊冇靈魂嘅肉,不鮮不甜。但呢度食到嘅係皮薄餡靚,皮帶點韌度,咬開有豐富肉汁。

2 瀏覽
0 讚好
0 留言


香茜牛肉腸,腸粉皮嫩滑,牛肉又滑,肉餡同腸粉結合得好緊密,絕對唔係腸粉還腸粉,牛肉還牛肉,腸粉要做得咁好,絕不簡單。

甜點都試左兩款——椰香酥脆蛋散、酥皮蔴蓉湯圓。

蛋散炸得夠乾身香脆,沾上些許麥芽糖同椰絲,唔會太甜太膩,食多幾舊都仲得!
1 瀏覽
0 讚好
0 留言
1 瀏覽
0 讚好
0 留言


扭成繩結狀,唔會係咪令到蛋散食落咁酥脆嘅秘訣?

酥皮蔴蓉湯圓,愛食甜點嘅老公激讚!外層酥蛋仲散發住蛋香味,糯米皮煙韌,蔴蓉仲有d流心。

2 瀏覽
0 讚好
0 留言
4 瀏覽
0 讚好
0 留言


已經有到好飽,仲送埋木瓜雪耳糖水,非常清潤。順帶一提,部長同上菜嘅姐姐都非常好禮貌,招呼殷勤,會留意住我地有咩需要,話說叉燒太大舊,我地用隻銀匙自己分開佢,部長好緊張過黎問洗唔洗幫我地分;有時我地差唔多飲哂杯入面d茶,又會幫忙斟茶;老公去個洗手間都有兩個部長指示佢點去,所以我見之前有d食評話服務態度差,我都覺得好詫異,希望將我今次嘅體驗同大家分享一下。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-06-21
用餐途徑
堂食
人均消費
$140 (午餐)
推介美食
  • 脆皮蝦餃
  • 酥皮蔴蓉湯圓
  • 穀飼叉燒蛋飯