更多
2021-08-27
771 瀏覽
仙后餐廳一直都頗有名氣，今次係男朋友一早bk定幫我慶生💛 聽佢講夜巿十分full booking，而且套餐價錢都要6百幾per head。午巿相對易book d，價錢都比想像中抵好多‼️套餐二百幾一人就食到呢間高質打卡餐廳👍🏻👏🏻 -🔅裝修:餐廳分咗左右兩邊位置，左邊木馬區通常難book啲，不過我自己就覺得冇咩所謂，因為右邊會有一個台，雖然而家冇表演，但係佢個天花板都好靚💛💛 除左用餐位置之外，大家可以去埋廁所🚾😎 特別係女廁🚺 裝修真係好靚，好復古宮廷feel~ 我入去個時仲咁岩無人！不過得自己一個只可以對鏡打卡😂 女廁仲有一格梳妝間🤩 有鏡枱同凳，可以慢慢補妝都得💛💛 另外，廁所走廊都係一個打卡位👍🏻 總之成間餐廳都滿佈住打卡位！ -🔅服務:當日serve我哋個位待應都超好態度，會觀察住我哋幾時食完一道菜，再適時送上下一道菜~ 上完甜品時，亦會幫我哋影合照，又會俾好多提議 話向邊個方向同背景好啲，仲叫我哋去餐廳其他位置影下相😆💛👍🏻-🟡 尼斯沙律配半熟吞拿魚及檸檬油醋汁 🥗 (好味道: 💛💛💛)比較清淡嘅一個沙律，可能檸檬醋汁本身味道唔太出🤏🏻 不過兩塊半熟吞拿魚幾出色👀 四邊都係微
仙后餐廳一直都頗有名氣，今次係男朋友一早bk定幫我慶生💛 聽佢講夜巿十分full booking，而且套餐價錢都要6百幾per head。午巿相對易book d，價錢都比想像中抵好多‼️套餐二百幾一人就食到呢間高質打卡餐廳👍🏻👏🏻
-
🔅裝修:
餐廳分咗左右兩邊位置，左邊木馬區通常難book啲，不過我自己就覺得冇咩所謂，因為右邊會有一個台，雖然而家冇表演，但係佢個天花板都好靚💛💛
除左用餐位置之外，大家可以去埋廁所🚾😎 特別係女廁🚺 裝修真係好靚，好復古宮廷feel~ 我入去個時仲咁岩無人！不過得自己一個只可以對鏡打卡😂 女廁仲有一格梳妝間🤩 有鏡枱同凳，可以慢慢補妝都得💛💛
另外，廁所走廊都係一個打卡位👍🏻 總之成間餐廳都滿佈住打卡位！
-
🔅服務:
當日serve我哋個位待應都超好態度，會觀察住我哋幾時食完一道菜，再適時送上下一道菜~ 上完甜品時，亦會幫我哋影合照，又會俾好多提議 話向邊個方向同背景好啲，仲叫我哋去餐廳其他位置影下相😆💛👍🏻
-
🟡 尼斯沙律配半熟吞拿魚及檸檬油醋汁 🥗
(好味道: 💛💛💛)
比較清淡嘅一個沙律，可能檸檬醋汁本身味道唔太出🤏🏻 不過兩塊半熟吞拿魚幾出色👀 四邊都係微熟狀態，中間大部分都仲係生
-
🟡 南瓜餐湯 🎃
(好味道: 💛💛💛💛)
超級creamy❕ 又唔會太咸太甜，飲落去好舒服~
-
🟡 餐包🍞
好鬆軟，塗牛油🧈好好食👌🏻 一人有成兩件，有點多😂 會留肚食主菜
-
🟡 凍咖啡🥃
(好味道: 💛💛💛💛)
好濃香咖啡味，雖然加左奶，但不太多奶味，無酸味，男友十分喜歡👍🏻
🟡 慢煮M3肉眼配山葵莎莎青醬及薯蓉 🥩
(好味道: 💛💛💛💛)
叫左五成熟👀 見到咁多血都驚一驚😂 但好神奇切開食落去又接受到，可能因為塊扒唔太厚，連埋青醬一齊食，都食到牛味😌 不過都建議大家叫番7成熟🤣🤣
-
🟡 四式芝士意大利雲吞配松露牛油汁，牛肝菌，香脆蒜粒 🥟
(好味道: 💛💛💛💛)
一上枱就聞到好香嘅芝士同埋蒜味🤤 好鍾意佢係一口size，比起其他餐廳嘅芝士雲吞細粒少少，入面包咗少少芝士但我配埋啲醬啱啱好👌🏻 唔會太膩。不過一個女仔食唔晒，好彩有男朋友幫手share😜
-
🟡 熱帶果帕夫洛娃蛋白餅🍨
(好味道: 💛💛💛💛)
有驚喜嘅甜品！可能我同男友都係第一次食蛋白餅，無預期過咁酸爽嘅味道🤣 以為甜品得甜味？呢個餅帶檸檬柚子個種刺激口感，加上質地本身係硬，但入口即溶😮😮 我哋食入口之後都不約而同瞪大對眼望住大家😳😂 因為真係好特別，推薦大家試試💛
-
🟡 Earl Grey Tea 🫖
(好味道: 💛💛💛💛)
聞落去好香紅茶味，倒出嚟一陣先飲落口，溫度唔會話太熱♨️ 同埋解膩效果十分好，尤其係食緊芝士雲吞嗰陣一定要飲幾啖Earl Grey🤣
人均消費:💰229 (已加一）
環境:💛💛💛💛💛
服務:💛💛💛💛💛
推薦:💛💛💛💛💛
張貼
