峇里餐廳 (已搬遷) 新店位置

已前峇里餐廳喺泰林旁南京街的斜對面，感覺猶如入咗舊式港式豉油餐廳般，食物雖好但裝修老土，充滿懷舊味道。依家舖位搬到廟街近佐敦道段，裝修潮味十足，用上大量木色，好似去咗峇里渡假一樣。餐廳1975年開業，應該傳到第二代，食品方面依然係提供傳統印尼食品。 新鮮印尼蝦片帶著微暖，令人想起兒時喺國貨公司買蝦片自己炸的時光。傳統小食薯蓉牛肉餅香料味濃，充滿南洋風味。印尼蝦醬炒通菜同中式炒法差不多，咸香冶味，送飯最佳。巴東牛肉以多種香料醃製厚牛展而成，色澤紅潤諗滑，香濃可口，又係送飯佳品。沙嗲串燒用傳統製法，以炭火慢燒，所以最後先上。串燒肉質保持嫩滑又非常入味。