金船長餐廳 (已結業)

黑松露醬意式馬斯卡普芝士夾心Pizza哩個就係攞獎既黑松露Pizza，餐廳介紹原來係可以有3個食法：1️⃣ 原汁原味就咁食2️⃣ 點提子果醋3️⃣ 提子果醋加沙律菜3款食法個口感都唔同，好新奇既口味。另外真係有好多好香既黑松露。香煎法式鵝肝配蘋果沙律又食鵝肝喇！今次哩個鵝肝係配餐包一齊食，唔油膩又厚肉。仲有甜甜地既焦糖提子乾🍇、沙律添作配搭。整體食完都唔會油膩到食濟😍白酒忌廉汁燴紐西蘭青口前菜除咗食鵝肝之外，仲叫左青口。一份有6大隻，青口肉好大舊，忌廉汁好creamy，好食！自選車仔意粉主菜我地叫左自選意粉，好似餐仔麵咁可以揀唔同既意粉、醬汁、調味料、肉/海鮮/配菜 同埋其他特別配料。落單既時候，記得同餐廳講相對應既編號，咁就實包保無錯。如果有選擇困難症既你，咁就可以揀餐廳推介既配搭喇。甜品😍😍😍😍心太軟朱古力布甸要焗差不多15-20分鐘，但完全值得等。啱啱焗好既心太軟仲出緊煙，再加上雪糕。如果相機食得太耐，分分鐘真係會溶曬。金船長梳乎厘（原味）除左原味，仲有朱古力、橙埋薑味。焗得好動L~~ 梳乎得黎又唔會太甜，唔會覺得每啖都食緊砂糖。最後，飲番杯熱檸檬可樂加薑，即刻個胃暖笠笠。