香港小熊

鄰近打風，買定啲乾糧返屋企食先，行經尖沙咀海防道一帶，見到有間幾得意的蛋糕飲品專門店，得意在有好多熊啤啤， 仲有好多啤啤品㖭，見到都開心曬。

海苔肉鬆卷
店員姐姐態度友善，推介咗一款肉鬆卷 ，一條有四件，有好多肉鬆同紫菜碎包住，望落好好味就試下先。果然味道唔錯，除咗有 海苔肉鬆仲夾雜住沙律醬， 十分滋味。

海苔肉鬆卷

另外，叫咗兩杯嘢飲

楊枝甘露、 白桃烏龍

楊枝甘露
奶味都幾重，有西米、芒果同西柚粒粒， 好有口感，幾好味。

白桃烏龍茶
感覺幾清新，有好多白桃 粒粒，茶味足唔算太甜， 值得推介。