常滿百家菜

營業中

休息中

第一次去試任食點心，結果唔係食到飽，而係等到飽，由 12:15pm交點心紙，諗住即叫即蒸要些少時間係正常，點知一追再追侍應又再補填點心紙，結果都要 2pm 先到。咁小食晤駛蒸可以快些少啦，唔係，青瓜海蜇呀，醉雞呀一樣要等咁耐。咁咩原因呢? 全部失單嗎? 又唔係，點心紙上名叫老火湯係一碗芫茜滾肉片係有晌合理時間出現，即表示並唔係失單啦。諗唔通。還有，隔離檯嘅趣事，有人叫左 錦鹵雲吞，個傳菜員放低左碗汁之後就走開，無錦鹵雲吞，隔離枱客當然問侍應個錦鹵雲吞呢? 咁呀侍應跑去追個傳菜員問：你做咩淨係放低d汁呀，個錦鹵雲吞呢? 呀傳菜員答：見到有咩咪比咩 law..... 聽到，笑左。