大眼仔美食 (已結業)

新蒲崗都算幾多美食，工廠大廈附近總會搵到一兩間餐廳或者茶記。今次午飯時間黎試下呢間大眼仔美食，店舖位於係巷中間，餐廳大致上只可以容納20人左右，不過眼見外賣無停手，証明餐廳不乏捧場客。午餐有飯餐同米線餐選擇，我地嗌左幾樣食物，有咖哩雞扒飯，鴨胸清湯紅薯粉同埋豬頸肉冬蔭公湯米線。雞扒大大塊，雞皮煎得少脆，雞肉多汁，飯量超大，一般打工仔可以嗌少飯。鴨胸嫩滑，不過略嫌紅薯粉唔夠淋。豬頸肉煎得香口（另上），配泰式甜酸醬，冬蔭公湯底香味足，配米線都唔錯。整體幾樣斬算唔錯，不過幫襯記得要預返時間等位啦。