花宵 (已結業)

同朋友去開銅鑼灣食嘢，聽講呢度有間幾好食嘅日本餐廳，決定黎試試。叫咗個紅酒醋凍蕃茄開開腸胃，酸酸甜甜，而且蕃茄營養豐富，作為starter唔錯。跟住叫咗個芝麻雞翼，鬆脆鹹香足夠， 熱辣辣， 唔錯！ 配啤酒一流。叫咗個鮑魚配有甜甜嘅燒汁，欣賞佢將鮑魚切片方便同朋友分享。鮑魚夠彈牙，色澤亦都靚。食完鮑魚，終於上我哋嘅主菜，壽司拼盤。總共有12舊共六款。用料高質，擺盤精緻。 分別有拖羅， 深海池魚，油甘魚腩，炙燒左口魚，三文魚子赤蝦同帶子。 所有壽司都非常推介。，魚油味重，壽司飯拿捏得恰到好處，唔會太酸，而且飯粒粒粒分明，但係又唔會太夠。好似食緊日式omakase 咁。呢個壽司令到我回味無窮。食完壽司叫咗度炸物，炸池魚仔調味啱啱好，識落口感香脆，但係又唔會過分油膩。最後叫咗個焦糖菠蘿作為甜品。菠蘿香甜多汁為呢一餐畫上完美嘅句號。